Bir necha yil avval Braziliyaning eng badavlat odami sanalgan va korrupsiya, noqonuniy mablag‘larni legallashtirishda gumon qilinayotgan ishbilarmon Eyke Batista vataniga qaytishga qaror qildi. Bu haqda “TASS” xabar bermoqda.
“Sud oldida javob berish uchun uyga qaytyapman, bu mening burchim. Barchasiga aniqlik kiritish vaqti yetdi”, — deya ma’lum qildi Batista Nyu-York aeroportida.
26-yanvarda Braziliya politsiyasi Batistaning uyida tintuv o‘tkazdi va unikorrupsiya, noqonuniy mablag‘ legallashtirishda gumon qilib, hibsga olmoqchi bo‘ldi. Biroq bu paytda tadbirkor mamlakatni tark etib, AQShga uchib ketishga ulgurgandi.
Huquq-tartibot idoralariga ko‘ra, tadbirkor o‘tgan yili korrupsiyada ayblanib qamoqqa olingan Rio-de-Janeyro shtati sobiq gubernatori Serjiu Kabraluga 16,5 million dollar pora bergan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)