15 апрель, чоршанба куни Покистон ядровий каллакни олиб ўтишга қодир бўлган ўрта масофадаги «Гхаури» баллистик ракетасини муваффақиятли равишда учирди, дея хабар бермоқда ТАСС Жамоатчилик билан алоқа бўйича Покистон идоралараро хизматига таяниб.
«Ҳам оддий, ҳам ядровий каллакларни 1,3 минг км масофагача олиб ўтиш имкониятига эга бўлган ‘Гхаури’ ракетасини учиришдан мақсад Покистон стратегик кучларининг тезкор ва техник шайлигини текшириб кўришдан иборат бўлди», — дейилади идора хабарида.
Муҳандислар ва ҳарбий хизматчиларни президент Мамнун Ҳусайн ва бош вазир Наваз Шариф муваффақиятли парвоз билан қутлади.
Изоҳ (0)