КХДР етакчиси Ким Чен Ин мамлакат тарихидаги енгил типдаги илк енгил самолётни ишлаб чиқишда иштирок этган олимлар, технологлар ва ишчиларнинг катта гуруҳи билан бирга фотосессияда иштирок этди. Бу ҳақда ТАСС хабар бермоқда.
Корея меҳнат партияси (КМП) биринчи котиби ва Давлат мудофаа қўмитаси биринчи раисининг сўзларига кўра, ушбу тадқиқотчилар гуруҳи «маҳаллий борт ускуналаридан фойдаланган ҳолда учувчи қурилмани яратди ва бу билан КХДРнинг фаровон давлатга айланиши учун катта ҳисса қўшди».
«Мамлакатда авиасозлик саноатининг тез ривожланиши учун мустаҳкам асос яратилган», - дея қайд этди Ким Чен Ин. У «КМП ташкил этилганининг 70 йиллиги арафасида юксак муваффақиятга эришганликлари билан» самолёт яратувчиларини табриклади.
Апрель ойи бошида КХДР нашрлари Шимолий Корея етакчиси фуқаро авиацияси учун мўлжалланган енгил самолётларни ишлаб чиқаришни йўлга қўйган машинасозлик заводларидан бирига ташриф буюргани ҳақида хабар берганди.
Ким Чен Иннинг ишонч билдиришича, ҳарбий самолётларни ишлаб чиқариш билан боғлиқ узоқ тарихга эга бўлган ушбу саноат корхонаси жамоаси турли типдаги фуқаролик самолётларини ишлаб чиқаришни ҳам ўзлаштира олади.
Изоҳ (0)