Олимлар смартфон ва интернет алоқасидан фойдаланган ҳолда 45 дақиқа ичида саратон хасталигини ёки одам папиллома вирусини диагностика қилувчи махсус қурилмани яратди, дея хабар бермоқда «Корреспондент.net».
Қурилма смартфон камерасига ўрнатиладиган пластик конструкциядан иборат. У ёруғлик манбаси, митти линзалар ва бемор тўқимаси ҳужайралари намунаси киритиладиган жойдан ташкил топган. Ушбу сканер одам тўқималари намунасини ёритиб, уни суратга туширади ва махсус серверга юборади, у ерда кейинги ишлов беришлар амалга оширилади.
Тадқиқ этилаётган намунада саратон ҳужайралари ёки одам папиллома вируси изларини аниқлайдиган диагностика 45 дақиқа давом этади, унинг нархи эса 1,80 долларни ташкил этади.
Тадқиқотчилар ўз ихтиросини синаб кўриб, унинг сезувчанлиги 100 фоизни, аниқлик даражаси 92 фоизни ташкил этишини таъкидлади.
Изоҳ (0)