• USD12768.26
    • RUB162.63
    • EUR14400.04
    Daryo.uz - Login
    O‘zbekiston

    Toshkentdagi ko‘priklardan birida uchta avtomashina ishtirokida YTH sodir bo‘ldi

    Toshkent shahrining Yashnobod tumani, Farg‘ona yo‘li ko‘chasidagi ko‘prikda 23-dekabr kuni soat taxminan 10:50 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.

    Maʼlum qilinishicha, haydovchi J.Y. boshqaruvidagi Cobalt, haydovchi U.O. boshqaruvidagi Nexia va haydovchi N.B. boshqaruvida bo‘lgan Lacetti avtomashinalari to‘qnashgan.

    Hodisa oqibatida jarohatlanganlar yo‘q.

    Holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.

    Toshkentda sodir bo‘layotgan YTHlar

    5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.

    3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi. 

    11-noyabr kuni Mirobod tumanidagi “Sanʼat muzeyi” qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.

    17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.

    Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.

    #YTH

    Javob qoldiring

    Mavzuga doir

    ×Lightbox Image