“Nyukasl Yunayted” hujumchisi Aleksandr Isak Saudiya Arabistonining “Al-Hilol” klubi qiziqishlari doirasiga tushdi. Bu haqda italiyalik jurnalist Janluka Di Marsio xabar berdi.
Manbaga ko‘ra, Saudiya Arabistoni klubi 25 yoshli shvetsiyalik futbolchini o‘z tarkibiga qo‘shib olish uchun katta miqdordagi taklif tayyorlamoqda. Biroq “Nyukasl” rahbariyati jamoaning asosiy futbolchilaridan biri bo‘lgan Isakni qo‘yib yuborishni istamayapti. Hatto katta miqdorda pul taklif etilsa ham, klub uni tarkibda saqlab qolishga qat’iy bel bog‘lagan.
Avvalroq Angliyaning yana bir grand klubi — “Liverpul” ham Isak transferiga qiziqish bildirgani haqida xabarlar tarqalgan edi. Ma’lumotlarga ko‘ra, mersisaydliklar futbolchi uchun 100–120 million yevro miqdorida taklif kiritishga tayyor.
Ma’lumot uchun, Shvetsiya terma jamoasi a’zosi o‘tgan mavsumda barcha musobaqalar doirasida 42 ta o‘yinda maydonga tushib, 27 ta gol va 6 ta golli uzatma muallifiga aylangan. Isakning “Nyukasl” bilan amaldagi shartnomasi 2028-yil iyun oyigacha mo‘ljallangan. Transfermarkt portali futbolchining narxini 120 million yevroga baholamoqda.
Izoh (0)