Futbol bo‘yicha Angliya Liga Kubogi final uchrashuvi doirasidagi “Liverpul” — “Nyukasl” o‘rtasidagi bahs 16-mart, yakshanba kuni kuni bo‘lib o‘tdi. Londonning “Uembli” stadionida kechgan bellashuvda Arne Slot shogirdlari 1:2 hisobida imkoniyatni boy berdi.
E’tiborli tomoni shundaki, “Nyukasl Yunayted” Angliyada so‘nggi 70 yil ichidagi ilk yirik sovrinini qo‘lga kiritdi. Klub bungacha 1954—55-yilgi mavsumda Angliya Kubogini yutgan edi.
“Qarg‘alar” oxirgi bor 2016—17-yilgi mavsumda Chempionship g‘olibligini qo‘lga kiritgan, shuningdek, 2006-yilda Intertoto Kubogida g‘alaba qozongan edi.
Eddi Hou jamoasining o‘yindagi gollariga Den Bern va Aleksandr Isak mualliflik qildi. “Liverpul”ning yagona kiritgan to‘pi Federiko Kyeza nomiga yozildi.
Ma’lumot uchun, “Nyukasl” ayni paytda Angliya chempionati turnir jadvalida 47 ochko bilan 6-o‘rinni egallab turibdi. “Liverpul” esa 70 ochko to‘plagan holda 1-o‘rinni band etgan
Izoh (0)