Angliya Premyer Ligasida mavsum yakunlandi. Bugun, 25-may kuni musobaqaning 38-turi doirasidagi barcha bahslar o‘tkazildi. “Manchester Siti” safarda “Fulhem”ga qarshi maydonga tushib, 2:0 hisobida g‘alaba qozondi va mavsumni 3-o‘rinda yakunladi.
Uchrashuvdagi gollarga Ilkay Gyundog‘an va Erling Holand mualliflik qildi. Qo‘lga kiritilgan g‘alabadan keyin “shaharliklar” hisobidagi ochkolar soni 71 taga yetdi va ular bronza medallari bilan birga keyinga mavsum uchun Yevropa Chempionlar Ligasi yo‘llanmasini ham naqd qildi. O‘zbekistonlik himoyachi Abduqodir Husanov uchrashuv qaydnomasidan joy olmadi.
Musobaqa yakunlanishidan avval chempionlikni rasmiylashtirgan “Liverpul” so‘nggi turda “Kristal Pelas” bilan 1:1 hisobida durang o‘ynadi. 74 ochkosi bor “Arsenal” esa kumush medallariga ega chiqdi. London klubi so‘nggi turda “Sautgemton”dan 2:1 hisobida ustun keldi.
Shuningdek, “Chelsi” “Nottingem Forest”ni 1:0 hisobida mag‘lub etib, 4-o‘rinni egallagan bo‘lsa, “Nyukasl” kuchli beshlikka yakun yasadi.
38-turda qayd etilgan barcha natijalar:
38-turdan keyin yakuniy jadval:
Keyingi mavsum Angliya Premyer Ligasidan 6 ta jamoa Chempionlar Ligasida qatnashadi: bular “Liverpul”, “Arsenal”, “Manchester Siti”, “Chelsi”, “Nyukasl” va Yevropa Ligasi g‘olibi “Tottenhem”.
Izoh (0)