Braziliyalik yarim himoyachi, “Nyukasl Yunayted” futbolchisi Bruno Gimaraesh, jamoa hujumchisi Aleksander Isakning o‘yiniga baho berdi.
“Men uchun u dunyoning eng yaxshi hujumchisi. Hech kim undan yaxshiroq o‘ynamaydi. Uning jamoamiz tarkibida bo‘lishi bizning omadimiz. Umid qilamanki, u shu tarzda harakat qilishda davom etadi. Jamoa bilan kubokni ko‘tarish va klub tarixiga nomimizni yozdirish orzudagi ish bo‘lardi. Bu men uchun, ayniqsa, sardor sifatidagi birinchi mavsumimda yuqori ahamiyatga ega, deydi Gimaraesh ESPN nashriga.
Bu fikrlar “Nyukasl” Angliya Liga kubogi finaliga chiqqanidan so‘ng bildirildi.
Ma’lumot uchun, klub Londonning “Arsenal” klubini ikki uchrashuv natijasiga ko‘ra 4:0 hisobida mag‘lub etdi. Shved futbolchisi Aleksander Isak jamoasining birinchi o‘yinidagi dastlabki golga mualliflik qilgandi. Javob bahsida ham u 4-daqiqada hisobni ochdi, ammo gol VAR tomonidan ko‘rib chiqilgach bekor qilindi — ofsayd.
Bugun, 6-fevral kuni ikkinchi yarim final javob bahsida “Liverpul” “Tottenhem”ga qarshi o‘ynaydi. Dastlabki uchrashuv “shporlar”ning (1:0) g‘alabasi bilan yakunlangan edi.
Angliya Liga Kubogi.
Yarim final javob bahsi
5-fevral, chorshanba
“Nyukasl” — “Arsenal” 2:0
Gollar: 1:0 — Merfi (19), 2:0 — Gordon (52).
“Nyukasl”: Dubravka, Holl, Trippiyer, Bern, Botman (Kraft, 80), Sher, Tonali (Longstaff, 87), Bruno Gimaraes (Mayli, 90+1), Merfi (Uillok, 80), Gordon, Isak (Uilson, 87).
“Arsenal”: Rayya, Gabriel, Saliba, Timber (Kalafiori, 78), Lyuis-Skelli, Rays, Parti (Jorjinio, 78), Edegor (Sterling, 61), Trossar (Merino, 61), Haverts, Martinelli (Nvaneri, 37).
Ogohlantirishlar: Haverts (42), Saliba (44), Gimaraes (47), Sterling (83), Sher (90+2).
Birinchi o‘yin natijasi — 2:0.
Izoh (0)