“Liverpul” yozgi transfer oynasida hujum chizig‘ini kuchaytirish maqsadida ikki hujumchi — “Nyukasl” forvardi Aleksander Isak hamda “Ayntraxt” futbolchisi Ugo Ekitike transferini amalga oshirish uchun harakat boshladi. Bu haqda Ispaniyaning Marca nashri xabar berdi.
Manbaga ko‘ra, ushbu futbolchilardan biri “Enfild”ga yo‘l olishi mersisaydliklarning kolumbiyalik hujumchisi Luis Diasning “Barselona”ga o‘tish ehtimolini oshiradi. Sababi, ham Isak, ham Ekitike kolumbiyalik futbolchining pozitsiyasida — chap qanot hujumchisi sifatida o‘ynay oladi.
Xabarda aytilishicha, “Barselona” prezidenti Joan Laporta va sport direktori Deku “Liverpul”dagi vaziyatni diqqat bilan kuzatib bormoqda. Transfer ehtimolini kuchaytirayotgan omillardan biri — Luis Diasning “Liverpul” taklif qilgan shartnomani rad qilgani, chunki u taklif qilingan maoshni kam deb hisoblagan.
Oldinroq xabar qilinganidek, “Liverpul” “Nyukasl” bilan Aleksander Isak transferi bo‘yicha dastlabki muzokaralarni boshlagan, shuningdek, “Ayntraxt”ga Ugo Ekitike uchun 81,2 million yevro taklif qilgani aytilmoqda.
Izoh (0)