46 yoshli italiyalik mutaxassis Andrea Pirlo Birlashgan Arab Amirliklarining “Dubay Yunayted” klubiga bosh murabbiy sifatida rasman tayinlandi. Bu haqda klub matbuot xizmati rasmiy sayt orqali ma’lum qildi.
2006-yilgi jahon chempioni, o‘z davrining eng taniqli yarim himoyachilaridan biri bo‘lgan Andrea Pirlo jamoamizning bosh murabbiyi sifatida ish boshlaganini mamnuniyat bilan e’lon qilamiz. Ushbu tayinlov “Dubay Yunayted” tarixida yangi sahifani ochadi va BAA futbolining xalqaro maydondagi ambitsiyalarini aks ettiradi, — deyiladi klub rasmiy bayonotida.
Pirlo futbolchilik faoliyatini 2017-yilda yakunlagan. U professional murabbiy sifatidagi faoliyatini 2020-yilda “Yuventus” klubida boshlagan. Dastlab klubning yoshlar tizimida ishlagan mutaxassis birinchi mavsumdayoq asosiy jamoa bilan Italiya Superkubogi va Italiya Kubogini qo‘lga kiritgan.
Keyinchalik Pirlo Turkiyaning “Fatih Karagyumruk” klubida qisqa muddat ishlagan, so‘nggi faoliyat joyi esa Italiya A Seriyasining “Sampdoriya” klubi bo‘ldi.
Izoh (0)