Xitoy lazer yordamida Germaniya samolyotiga hujum qilgani haqidagi ayblovlarni rad etdi. Bu haqda Xitoy Tashqi ishlar vazirligiga tayanib, Anadolu xabar berdi.
Germaniya tomoniga ko‘ra, hodisa Yevropa Ittifoqining fuqarolik kemalarini husiylar hujumidan himoya qilayotganda yuz bergan. Nemis samolyoti hududda patrullik qilayotganida Xitoy lazerining hujumiga uchragan.
Germaniya xodimlarini xavf ostiga qo‘yish va operatsiyani barbod qilishga urinishlarni mutlaqo qabul qilib bo‘lmaydi, degan Germaniya Tashqi ishlar vazirligi.
Shundan so‘ng Berlin Xitoy elchisini izoh berish uchun Tashqi ishlar vazirligiga chaqirgan. Xitoy TIV esa ayblovlarni inkor etmoqda.
Germaniya bayonotlari haqiqatga mutlaqo to‘g‘ri kelmaydi, degan vazirlik matbuot kotibi Mao Ning.
U Xitoy “buyuk davlat sifatida o‘z majburiyatlarini bajarayotgani va xalqaro dengiz yo‘llari xavfsizligiga hissa qo‘shayotgani”ni aytgan. Xitoy “har ikki tomon ham tushunmovchiliklar va xato qarorlardan qochish uchun faktlarga asoslangan muloqotni kuchaytirish”ga chaqirgan.
Germaniya tashqi ishlar vaziri Yoxann Vadeful ham nemis ommaviy axborot vositalari uchun ushbu hodisa yuzasidan fikr bildirgan. U Xitoy bilan “teng huquqli asosda” hamkorlik qilishni istashini aytgan. Biroq mamlakatdan bo‘lib o‘tgan voqeaga izoh berishni talab qilgan.
Izoh (0)