Sayyoradagi ertaknamo ko‘rinishga ega maskanlar

Bu joylar, manzaralar go‘yo bolaligimizdagi ertaklardan, hikoyalardan chiqqandek, borligiga ishonish qiyin, lekin ular mavjud! Xo‘sh, ertaklar olamiga sho‘ng‘iymizmi?

Mon Sen-Mishel qalʼasi, Fransiya

Mon Sen-Mishel qalʼasi Fransiyaning eng mashhur diqqatga sazovor joylaridan biri bo‘lib, o‘zining g‘ayrioddiyligi va tom maʼnoda ertaknamo ko‘rinishi bilan hayratga soladi! Axir, suv girdobidan chiqib turgan qoyadagi monastir hayratlanarli ko‘rinmasligi mumkin emas.

Noyshvanshteyn qalʼasi, Germaniya

Noyshvanshteyn Alp tog‘larining xazinasi va dunyodagi eng taniqli qalʼadir. Bu qalʼaga bir qarashda kimdir bu yerda o‘z o‘yinchog‘ini unutib qoldirgandek tuyuladi — to‘q yashil archalar fonida suzib yurgan fil suyagi rangidagi Noyshvanshtayn minoralari shunchalik g‘ayritabiiy ko‘rinadi.

Visteriya tunneli

Ushbu tunnel Yaponiyaning Kavati Fudzi gullar bog‘ida joylashgan. Unda bo‘lganingizda, haqiqiy noreal muhitga tushib qolasiz! Yilning turli fasllarida va yorug‘likka qarab turli ranglarga bo‘yaladi.

Denksia landshafti

Butun dunyodan sayyohlar Xitoyning Gansu provinsiyasiga g‘aroyib manzarani tomosha qilish uchun kelishadi. Bu yerdagi asosiy diqqatga sazovor joy “Denksiya landshafti” deb nomlangan noyob tog‘li hududdir.

Irlandiyadagi qorong‘i xiyobon

Shimoliy Irlandiyaning Antrim okrugidagi Armoy qishlog‘i yaqinida qariyb 300 yoshli ushbu go‘zal buk daraxtlari o‘sadi. Bir-biriga chambarchas bog‘langan buk shoxlari tufayli mahalliy aholi yog‘och tunnelga “Qorong‘i to‘siqlar” (Dark Hedges) deb nom berdi.

Halong ko‘rfazi

Halong ko‘rfazi Vyetnamdagi eng mashhur joylardan biri. Manzaralar hayratga soladi va sodir bo‘layotgan voqealarning norealligi haqida taassurot qoldiradi.

Glenfinnan Viaduk, Shotlandiya

Shotlandiyadagi temiryo‘l ko‘prigi Buyuk Britaniyadan tashqarida ham mashhur. Sehrgar Garri Potter haqidagi kitoblar va filmlarni sevuvchilar uchun bu viaduk birinchi navbatda Hogwarts Express bilan bog‘liq. Axir, “Garri Potter va maxfiy hujra” filmidagi mashhur poyezd aynan shu yerdan o‘tgan.

Batu g‘orlari, Malayziya

Batu g‘orlari minglab hindularning ziyoratgohidir. Majmua ibodatxonalarga aylantirilgan bir nechta g‘or zallaridan iborat. Bosh ibodatxona g‘origa (Temple Cave) har bir ziyoratchi ko‘tarilishi kerak bo‘lgan 272 ta pog‘onadan iborat mashhur zinapoya olib boradi. Baʼzilar buni tizzalab yoki emaklab bajaradi.

Vasiliy Blajenniy sobori, Rossiya

Qizil maydondagi turli ranglarga bo‘yalgan ibodatxona xuddi ertaknamo saroydek taassurot qoldiradi, aynan shu ibodatxona surati uchun Qizil maydonga yuz minglab sayyohlar kelishadi.

Gigant kristallar g‘ori

Mo‘jizalarga to‘la yerosti dunyosi! Kristallar g‘ori (Cuyeva de los Cristales) deb ataluvchi bu ajoyib g‘orlar Meksika cho‘lida 300 metr chuqurlikda joylashgan. Bu hosilalar tabiat tomonidan bir necha million yillar davomida yaratilgan.

Kolmar, Fransiya

Kolmar — Elzasning go‘zal shahri bo‘lib, ajoyib saqlanib qolgan qadimiy mahallalari sizni o‘rta asrlarga olib kiradi. Shaharda o‘rta asrlar va Uyg‘onish davrida qurilgan juda ko‘p ajoyib go‘zal binolar mavjud.

Pamukkale, Turkiya

Sharshara o‘zining go‘zal oq yonbag‘irlari bilan mashhur bo‘lib, Turkiyaning geologik mo‘jizalaridan biridir. Ko‘p asrlar davomida tog‘dan otilib chiqqan termal buloqlar turli chuqurlikdagi suv havzalariga ega bo‘lgan go‘zal terrasalarni hosil qilgan.

Versal saroyi, Fransiya

Versal — bu nom butun dunyoda bir monarx buyrug‘i bilan qurilgan eng muhim va muhtasham saroy haqidagi tasavvur bilan bog‘liq. Bu go‘zal bog‘lar va ichki bezaklarga ega bo‘lgan eng mashhur saroy-bog‘ majmuasidir.

Toj Mahal, Hindiston

Toj Mahaldan ham afsonaviyroq nima bo‘lishi mumkin. Bu Sharq ertaklari tilga olinganda yuzaga keladigan birinchi assotsiatsiyadir.

Angkor Vat, Kambodja

Angkor Vat — bu Kambodjaga keladigan barcha sayyohlarning 99,9 foizining asosiy maqsadiga kiruvchi lokatsiyadir. Sayyoradagi eng yirik ibodatxona majmuasi va insoniyat tarixidagi eng go‘zal ijod namunalaridan biri.

Paro lakhang ibodatxonasi, Butan

Paro lakhang, shuningdek, yo‘lbars uyasi sifatida ham tanilgan, Butandagi Paro vodiysi tepasidagi qoyada joylashgan mashhur buddist monastiridir. Ko‘pincha bulutlar va tumanlar ichida bo‘lib, unutilmas, sirli taassurotlar qoldiradi.

Pelesh qalʼasi, Ruminiya

Hashamatli Pelesh qalʼasi Sinay shahri yaqinidagi shu nomdagi tog‘ daryosi qirg‘og‘ida joylashgan. Qalʼa xuddi ertak sahifalaridan chiqqandek sehrli ko‘rinadi, umumiy sirli muhitni esa qushlarning sayrashi va daraxt barglarining shitirlashi bilan qalin o‘rmon to‘ldiradi.

Chjanjiajie bog‘i, Xitoy

Xitoyning Chjanjiajie bog‘i uzoq vaqtdan beri sayyohlar orasida mashhurlikka erishgan. Aynan shu yerda, Jeyms Kemeronni “Avatar” filmida “uchar tog‘lar”ni yaratishga ilhomlantirgan Ulinʼyuan qoyalari orasida Tyanmen tog‘i va unda afsonaviy Osmon darvozasi g‘ori joylashgan.

Petra, Iordaniya

O‘nlab filmlarda suratga tushgan, qoyada o‘yilgan mashhur Pyotr ibodatxonasi. Bundan sirliroq nima bo‘lishi mumkin?

Baobablar xiyoboni, Madagaskar

Baobab xiyoboni g‘arbiy Madagaskarning Menabe mintaqasidagi Morondava va Belonʼi Siribihina o‘rtasidagi tuproq yo‘lda joylashgan. Ajoyib manzara butun dunyodan sayyohlarni o‘ziga jalb qiladi, bu esa uni mintaqadagi eng ko‘p tashrif buyuriladigan joylardan biriga aylantiradi.