Turk seriallari muxlislari uzoq yillardan beri ko‘plab syujet burilishlarini kuzatib kelishgan. Shu bois ko‘pchilik voqealarning qanday rivojlanishini oldindan taxmin qila oladi. Ammo hatto eng tajribali tomoshabinlarni ham hayratda qoldirgan, yakuni bilan uzoq yodda qoladigan seriallar mavjud. Bu turdagi seriallar nafaqat voqealar rivoji, balki kutilmagan finali bilan ham ajralib turadi. Quyida aynan shunday seriallardan eng qiziqarli 8 tasi jamlangan.
“Leyla”
“Leyla” serialining finali hali namoyish etilmagan. Biroq u tomoshabinlarni, shubhasiz, hayratda qoldiradi deb aytish mumkin.
“Leyla” bu afsonaviy “Braziliya xiyoboni” serialining turkcha moslashmasidir. Syujetga ko‘ra, kichkina qizaloq o‘gay onasining makkorligi tufayli otasiz qoladi va bolaligi chiqindixonada o‘tadi. Ana shu og‘ir sharoitlarda ulg‘aygan qahramon yuragida hamma narsani tortib olgan zolim Nurdan qasos olish orzusi bo‘ladi.
Yillar o‘tib, Leyla o‘qishni muvaffaqiyatli tugatadi va nufuzli restoranda oshpaz bo‘lib ishlay boshlaydi. Aynan shu yerda taqdir uni barcha azob va yo‘qotishlarga sababchi bo‘lgan odam bilan yana to‘qnash keltiradi. Shunda u o‘zini Ela deb tanishtirib, o‘gay onasining uyiga xizmatkor bo‘lib kirishga qaror qiladi. Nur esa odatdagidek hashamatli hayot kechirayotgan bo‘ladi.
Biroq kutilmaganda voqealarga bolalikdagi ilk muhabbat aralashadi. Endi esa Leyla qiyin tanlov qarshisida turadi: yurakni rom qiluvchi ertaknamo sevgi, yoki yillar davomida o‘chmagan qasos...
“Zaharli pechak”
“Zaharli pechak” seriali barcha turk seriallaridan juda farq qiladi va darhol birinchi daqiqadan tomoshabinni lol qoldiradi. Hatto suratga olish uslubi ham Devid Fincherning “Yo‘qolgan ayol” (Gone Girl) filmidan olingandek tuyuladi.
Kim yomon, kim yaxshi ekanini tushunish qiyin, shuning uchun bosh qotirishga to‘g‘ri keladi. Chunki dastlab asosiy qahramon Ezgi hayoti barqaror va baxtli ko‘rinadi: uning mehribon oilasi, sevimli ishi va xavfsiz hududda joylashgan shinam uyi bor.
Ammo voqealar odatdagidek kechmaydi — begona bir odam Ezgiga uning eri uni o‘ldirmoqchi ekanini aytadi. Yangi qo‘shni esa ko‘pchilikka “yaxshi”dek ko‘rinib, holatni yanada chigal qilib qo‘yadi. Hududda uning o‘lgani haqidagi xabar tarqalgach, barcha shubhalar Ezgiga qaratiladi, chunki u so‘nggi paytlarda g‘alati xatti-harakatlar qilgan.
Ammo haqiqatda qotillikni asosiy qahramon amalga oshirganmi? Yoki bu voqea ancha murakkab va chalkashroqmi?
“Butunlay boshqacha”
“Butunlay boshqacha” serialini ko‘rganlar, albatta, bunday yakunni kutmagan edi. Ba’zilar esa loyihaning ikkinchi mavsumi bo‘lishini umid qilgan, ammo bu amalga oshmadi.
Asosiy qahramon — prokuror Leyla o‘zining tug‘ilgan shahriga qaytadi va darhol unga jinoyat ishi topshiriladi: mashhur tadbirkor o‘ldirilgan. Leylaning vazifasi jinoyatni ochish bo‘lib, unga ko‘rkam teleboshlovchi Kenan yordam berishga harakat qiladi. Ammo muammo shundaki, u hammadan, hatto o‘zidan ham sirni yashiradi — bu sir tergovni va go‘zal sevgi voqeasini ancha murakkablashtiradi.
“Shaxsiyat”
Bu filmda ham “Zaharli pechak” kabi deyarli hamma narsa noodatiy. Kinodagi “diqqatga sazovor jihat ” — Haluk Bilginerning ajoyib aktyorlik ijrosidir, u yaqinda Anjelina Joli bilan bir filmda suratga tushgan edi.
Asosiy qahramon Agah ilgari sud-tibbiy eksperti sifatida ishlagan, ammo hozirda u nafaqada va hayotdan umidini uzgan, unda Alsgeymer kasalligi tez rivojlanmoqda. Hatto uning mushugi ham vafot etgan va yonida hech kim qolmagan. Kasallik tashxisi Agahni qotillik yo‘liga boshlaydi, chunki u ishonadi — xotira muammolari tufayli u vijdon azobidan qutuladi.
Sirli jinoyatchining izidan, uning hayotiga Nevra ismli qiz kiradi. Agah bilan tanishish uning hayoti va karyerasida burilish nuqtasi bo‘ladi. Ushbu loyiha esa qonun bilan haqiqiy adolat o‘rtasidagi farqni ko‘rsatishni maqsad qilgan.
“O‘limga qadar”
“O‘limga qadar” kabi seriallar odatda yaxshi yakunlanishi kerak, chunki Turkiyada ko‘pincha boshqachasi kam uchraydi. Lekin bu yerda hammasi o‘zgacha kechadi. Serialning bosh qahramoni qotillikda ayblanib, umrbod qamoq jazosiga hukm qilinishi bilan hammasi boshlanadi.
Jinoyat uning to‘yi kuni sodir bo‘lgan, qurbon esa kelinning otasi edi. Ayblanuvchining himoyasini yosh advokat qiz o‘z zimmasiga oladi. Ular orasida sevgi paydo bo‘ladi, ammo bu his-tuyg‘ular ham voqealar rivojini o‘zgartirishga qodir emas. Realistik final hatto fantaziyaga moyil tomoshabinlarni ham ba’zi narsalarni eng yaxshi his-tuyg‘u bilan ham o‘zgartib bo‘lmasligiga ishontiradi.
“Ilk va so‘nggi”
Agar “Ilk va so‘nggi” seriali haqida gapiradigan bo‘lsak, avvalo, birinchi mavsumga to‘xtalish kerak, unda biz Barish va Denizning hikoyasi bilan tanishamiz. Har bir mavsum yangi juftlik haqida bo‘lgani uchun ularning yakuni alohida ko‘rib chiqilishi maqsadga muvofiq.
Asosiy qahramonlar — o‘zaro til topolmay, munosabatlardagi muammolarni hal qila olmagani uchun ajrashishga qaror qilgan juftlik. Tomoshabinlarga ularning sevgi tarixi retrospektiv tarzda ko‘rsatiladi, baxtli va romantik lahzalar esa ayni paytda juftlik boshidan kechirayotgan haqiqat bilan uyg‘unlashadi.
“Iffat”
Ushbu serial yosh va go‘zal Iffat haqidagi voqeani so‘zlaydi. U otasi va kichik singlisi bilan Istanbulning eng qadimiy tumanlaridan birida yashaydi. Iffat taksi haydovchisi Jamilga oshiq bo‘ladi.
Qiz ich-ichidan sevgilisi unga turmush qurish takifini berishini xohlaydi. Ammo muammo shundaki, Jamil Iffatga uylanmoqchi emas, chunki uning butunlay boshqa rejalari bor. Buni qizdan yashirishga bo‘lgan urinishlar ularning uchrashuvlari davom etishiga olib keladi, natijada Iffat homilador bo‘ladi.
Serial muxlislari yakunni butunlay mantiqsiz deb atashgan, garchi serial muddatidan oldin tugatilmagan bo‘lsa ham. Hikoya o‘rtada to‘xtab qolgan kabi ko‘rinadi, ammo aslida ssenariy mualliflari serialga ishonchli nuqta qo‘ygan. Faqat bu yakunni tomoshabinlar qabul qilmagan.
“Elchining qizi”
Sanjar va Nara haqidagi hikoyani hatto turk seriallari olamidan uzoq odamlar ham biladi, deyish mumkin. Ularning muhabbati ajoyib boshlanadi, biroq birinchi to‘y kechasida qizning sevgilisi oldida sodiqligi shubha ostiga olinadi. Qahramonning izohlarini tinglamoqchi bo‘lmagan yigit uni shunchaki haydab chiqaradi va yodidan o‘chiradi.
Yillar o‘tadi va Nara bilan Sanjarning yo‘llari yana kesishadi. Albatta, ular orasida hali ham his-tuyg‘ular bor, ammo bunday “og‘ir” muhabbat haqiqiy kurashga arziydimi? Loyihaning so‘nggi qismi ko‘p jihatdan Neslihan Atagul loyihadan ketishi sabab jiddiy tus olgan. Lekin loyiha yanada ko‘proq tanqidga uchradi, chunki ssenariy mualliflari noo‘rin patriarxal qadriyatlarni qo‘llab-quvvatlagan va zo‘ravonning qurbonini aybdor qilib ko‘rsatishga ulgurgan.
Izoh (0)