“Manchester Siti” “Rusenborg” klubi futbolchisi Sverre Nyupan bilan shartnoma imzolashga yaqin turibdi. The Athletic nashrining ma’lumotlariga ko‘ra, “shaharliklar” futbolchi bilan shartnoma shartlari bo‘yicha muzokara olib bormoqda.
Manbaga ko‘ra, agar kelishuv amalga oshsa, bu Norvegiya chempionatidagi eng qimmat transfer bo‘ladi. Kelishuvdan so‘ng, Nyupan bir mavsum davomida “Rusenborg”da ijara asosida o’ynashi mumkin.
18 yoshli Nyupan “Rusenborg”ning asosiy jamoasida 70 o‘yin o‘tkazib, 14 ta gol urgan. U o‘tgan mavsum davomida 10 ta o‘yinda maydonga tushib, o‘z hisobidag 1 gol yozdirib qo‘ygan. Uning hozirgi qiymati 12 million yevroga teng.
Agar Nyupan “Manchester Siti”ga o‘tsa, klubdagi ikkinchi norvegiyalik hujumchi va uchinchi norvegiyalik futbolchi bo‘ladi. 2022 yilda “shaharliklar” safiga Erling Holand qo‘shilgan edi. Shuningdek, jamoada Norvegiya terma jamoasi a’zosi va klub akademiya tarbiyalanuvchisi Oskar Bobb ham bor.
Izoh (0)