Jazoir terma jamoasi va “Vulverhemton” klubi himoyachisi Rayan Ait-Nuri “Manchester Siti” bilan shartnoma imzoladi. Klub rasmiy saytining ma’lum qilishicha, “shaharliklar” 24 yoshli chap qanot himoyachisi bilan 5 yillik shartnoma imzolangan.
Avvalroq, “Manchester Siti” va Ait-Nurining sobiq jamoasi “Vulverxhmpton” transfer borasida 40 million yevro evaziga kelishib olgani haqida xabarlar tarqalgan edi. Bu Pep Gvardiola uchun yozgi transfer oynasidagi ilk yirik xaridga aylandi. Klub o‘tgan mavsumdagi omadsiz natijalardan so‘ng tarkibni tubdan yangilashga qaror qilgan.
Yozgi transfer oynasi hali boshida bo‘lishiga qaramay, “shaharliklar” faol harakat qilmoqda. Bu esa ularga Klublar o‘rtasidagi Jahon chempionatida munosib ishtirok etishni ta’minlaydi.
Rayan Ait-Nuri: “Manchester Siti safiga qo‘shilganim – orzuning ushalishidir”
“Manchester Siti” bilan shartnoma imzolaganidan so‘ng himoyachi o‘z taassurotlari bilan bo‘lishdi:
Manchester Siti”ga qo‘shilganimdan nihoyatda baxtiyorman va faxrlanaman. Bu dunyodagi eng yirik klublardan biri va bu jamoada o‘ynash imkoniyati — men uchun orzuning ro‘yobga chiqishidir. Pep Gvardiola va uning murabbiylar shtabi bilan ishlash, ulardan saboq olish hamda jahonga mashhur futbolchilar bilan bir jamoada mashg‘ulot o‘tkazish va o‘ynash – bu menga ulkan motivatsiya beradi. Endi imkon qadar tezroq ishga kirishishni va muxlislarimiz qarshisida maydonga tushishni intiqlik bilan kutyapman.
Ma’lumot uchun, Rayan Ait-Nuri 2024/25 yilgi mavsum “Vulverhempton” safida barcha turnirlar doirasida 41 ta uchrashuvda maydonga tushib, 5 ta gol hamda 7 ta golli uzatmaga mualliflik qildi.
Izoh (0)