Angliyaning “Manchester Siti” klubi yozgi transferlar oynasi vaqtida katta xaridlar qilishni rejalashtirmoqda. Mirror nashrining yozishicha, “shaharliklar” “Bayer” yarim himoyachisi Florian Virts va “Milan” futbolchisi Teyani Reyndersni xarid qilish uchun umumiy hisobda 185 million yevro (156 million funt sterling) sarflashga tayyor.
Manbaga ko‘ra, Leverkuzen klubi Virts uchun 100 million funt sterlingdan (119 million yevro) ko‘proq talab qilmoqda. Bu narx “Manchester Siti”ni fikridan qaytarmagan. “Milan” Reynders uchun 56 million funt sterling (66 million yevro) miqdorida narx belgilagan.
Ta’kidlanishicha, “Siti” bosh murabbiyi Pep Gvardiola Florian Virtsni 33 yoshli Kevin De Bryuyne uchun munosib o‘rinbosar sifatida ko‘rmoqda. Shu bois “shaharliklar” imkon boricha tezroq Florianni jamoaga olib kelishni istamoqda.
Qolaversa, Madridning “Real” klubi ham Virts va Reynders transferlariga qiziqish bildirmoqda. Bu esa yozgi transfer bozorida jiddiy kurashni keltirib chiqarishi mumkin.
Izoh (0)