Parijning “PSJ” klubi UEFA Chempionlar Ligasi 2024/25-yilgi mavsumi finalida Italiya vakili “Inter”ni 5:0 hisobida yirik mag‘lubiyatga uchratdi. Turnir yakuniga ko‘ra eng yaxshi to‘purar va eng yaxshi assistentlar ro‘yxati e’lon qilindi.
Musobaqaning eng yaxshi to‘purarlari sifatida “Barselona” vingeri Rafinya hamda Dortmundning “Borussiya” klubi hujumchisi Serju Girassi tan olindi. Ikkala futbolchi ham 13 tadan gol urgan. Shuningdek, kataloniyaliklarning yana bir a’zosi — Robert Levandovski 11 gol bilan kuchli uchlikka yakun yasagan.
Eng yaxshi to‘purarlar:
1. Rafinya (“Barselona”) — 13 gol
2. Serju Girassi (“Borussiya Dortmund”) — 13 gol
3. Robert Levandovski (“Barselona”) — 11 gol
4. Harri Keyn (“Bavariya”) — 11 gol
5. Lautaro Martines (“Inter”) — 9 gol
6. Usmon Dembele (“PSJ”) — 8 gol
7. Erling Holand (“Manchester Siti”) — 8 gol
8. Vinisius Junior (“Real Madrid”) — 8 gol
Bundan tashqari, Rafinya eng ko‘p golli uzatma bergan futbolchi sifatida ham birinchi o‘rinni egalladi. Uning hisobida 9 ta assist bor. “PSJ” vingeri Usmon Dembele ikkinchi pog‘onadan joy oldi — 6 ta assist. Naq besh futbolchi 5 ta assist qayd etgan holda kuchli uchlikka yakun yasagan.
Eng yaxshi assistentlar:
1. Rafinya (“Barselona”) — 9 assist
2. Usmon Dembele (“PSJ”) — 6 assist
3. Joshua Kimmix (“Bavariya”)
• Davide Zappakosta (“Atalanta”)
• Yulian Brandt (“Borussiya Dortmund”)
• Jeremi Frimpong (“Bayer Leverkuzen”)
• Igor Payshao (“Feyenoord”)
• Ashraf Hakimi (“PSJ”)
• Serju Girassi (“Borussiya Dortmund”)
• Sharl De Ketelare (“Atalanta”)
Izoh (0)