Mashhur turk aktrisasi, “Qalbim eshigini qoq” serialidagi roli bilan tanilgan Hande Erchel “Emili Parijda” loyihasi yulduzlaridan biri bilan uchrashdi.
Ijtimoiy tarmoqdagi sahifasida Hande zargarlik brendiga bag‘ishlangan tadbirdan suratlar bilan post qoldirdi. Mazkur tadbirda “Emili Parijda” serialida bosh qahramon Emilining boshlig‘i Silviya obrazini yaratgan aktrisa Filippin Leroa-Bolye ham mehmon bo‘lgan. Ikkala aktrisa birga tushgan suratlar Erchelning sahifasida paydo bo‘ldi.
Hande Erchel — Turkiyaning mashhur aktrisalaridan biri, u 1993-yil 24-noyabr kuni Bandirma shahrida tug‘ilgan. Hande bolaligidan kinoga qiziqqan va Mimar Sinan San’at universitetida tahsil olgan.
U ilk bor “Gunesh qizlari” seriali orqali tanilgan, so‘ng “Qalbim eshigini qoq” serialidagi Eda roli mashhur bo‘lgan. Aktrisa bu obraz orqali nafaqat Turkiyada, balki xalqaro miqyosda ham muxlislar orttirgan.
Hande aktyorlikdan tashqari model sifatida ham faoliyat yuritadi. U 2012-yilda go‘zallik tanlovida g‘olib chiqib, “Miss Civilization of the World” unvonini qo‘lga kiritgan. U Maybelline, Nocturne, Atasay kabi taniqli kompaniyalar bilan reklama hamkorligida ishlagan.
Ijtimoiy tarmoqlarda ham Hande juda faol, uning Instagram sahifasida 32 millionga yaqin obunachisi bor. Aktrisa turli mukofotlarga sazovor bo‘lgan va hozirda ham yangi loyihalarda suratga tushishda davom etmoqda.
Izoh (0)