Shon-shuhrat yuki: mashhur bo‘lishni xohlamaydigan yulduzlar

Lord — 16 yoshida kelgan shuhrat va uzoq tanaffuslar

U o‘qishni bitirayotgan paytida mashhurlikka erishdi. Lord musiqiy olamga shiddat bilan kirib, “Gremmi” mukofotini qo‘lga kiritdi va katta muxlislar armiyasiga ega bo‘ldi. Yangi Zelandiyadan chiqqan qiz dunyodagi eng nufuzli o‘spirinlardan biri deb tan olindi, barcha moda jurnallarining muqovalari uchun suratga tushdi, “Hayot mamot” o‘yinlari uchun musiqa yozdi va tanaffus qilishni boshladi.

Yulduz uchun albomlar orasidagi uzoq tanaffuslar — 3-4 yil odatiy holat, shuningdek, u deyarli ijtimoiy tarmoqlarda faol emas. 2025-yil yozida Lord yangi, ochiq va samimiy albom chiqardi. San’atkor bu albomda ovqatlanish tartibi buzilishi va o‘zligini izlash kabi shaxsiy muammolari haqida ochiq gapirishini tan oldi.

Billi Aylish mashhurlikdan qochish istagi

Billi Aylish yoshligidan dunyoga tanilgan yana bir yulduzlardan biri. U 18 yoshida “Gremmi”ga bir necha marta nomzod bo‘ldi, “Oskar“da chiqish qildi va Jeyms Bond haqidagi yangi filmga musiqa yozdi.

Billi hech qachon o‘zining ruhiy muammolarini yashirmadi, mashhurlikka erishgan bo‘lsa-da, o‘zini baxtsiz, yolg‘iz va dunyodan uzilib qolgandek his qilgan. 2018-yilda u o‘zining depressiyasi haqida gapirdi — mashhurlik uning uchun katta sinov bo‘ldi. Bu paytda Billi ko‘plab do‘stlarini yo‘qotdi, chunki hamma uning yangi superyulduz maqomiga moslasha olmadi.

Hozirgi kunda Billi o‘z ustida ishlashning uzun yo‘lini bosib o‘tdi: u hayotda omadi chopganini tan olsa-da, “mashhurlikning ko‘p noxush tomonlari bor”ligini ham aytadi. Doimiy mish-mishlar va uning so‘zlarini kontekstdan yulib olib, talqin qilinishi shular jumlasidandir. Billi hanuzgacha ko‘zdan yiroq bo‘lib, mashhurlikdan voz kechish istagi uni tark etmaganini aytadi.

Rianna— sahna o‘rniga biznes va ona bo‘lish

Rianna hanuz jahon estradagi olamida yorqin yulduz bo‘lib porlayapti, biroq uning iste’dodi faqat musiqa bilan cheklanmaydi. Yulduz shou-biznesdagi eng boy ayollardan biri sifatida tanilgan: faqatgina kosmetika ishlab chiqarishi Forbes ma’lumotlariga ko‘ra unga 1,4 milliard dollar daromad keltirdi. Rianna ko‘p vaqtini oilasiga bag‘ishlaydi — u yaqin kunlarda uchinchi marta ona bo‘ladi. Rianna endi musiqani ustuvor deb hisoblamaydi: uning asosiy daromadi kosmetika biznesidan keladi va ko‘p farzandli onada ijodiy maqsadlar yo‘q.

Har bir shon-sharafni orzu qilgan artist oldinda nima kutayotganini tushunmasligi mumkin. Axir mashhurlik faqat sahna chiroqlari va katta mukofotlar emas. Bu, shuningdek, bosim, tanqid va nafrat ham. Shuning uchun ko‘plab yulduzlar o‘zlarining ommaviyligini nazorat qilishga harakat qiladi va yangi sohalarni topadi.