Ayshe Barim ishi bo‘yicha tergov harakatlari davom etmoqda va guvoh sifatida ishtirok etganlarning barchasi hamon huquq-tartibot idoralari xodimlarining diqqat markazida. Jumladan, yolg‘on guvohlik berishda ayblanayotgan Halit Ergench turk shou-biznesining “qora ro‘yxati”ga tushib qolgan.
Aslida nima bo‘lgan edi?
Ayshe Barim 2013-yilda Istanbuldagi Gezi bog‘ida hukumatni ag‘darishga qaratilgan norozilik namoyishlarini uyushtirganlikda ayblanib, joriy yil 27-yanvar kuni hibsga olindi. Turk OAV qayd etishicha, Barim 12 yil avvalgi noqonuniy harakatlarda ishtirok etgani uchun umrbod qamoq jazosiga hukm qilingan Usmon Kavala bilan yaqindan tanish bo‘lgan. Shu sababli u hozirda 12 yil avval bo‘lib o‘tgan mamlakat to‘ntarilishiga yordam berganlikda va hukumatga qarshi namoyishlarda qatnashganlikda ayblanmoqda.
Foto: Birgün Gazetesi
Shuningdek, Ayshe Barim Turkiya kino sanoatini yagona monopoliyaga aylantirib, atrofiga muxolif g‘oyalari mavjud bo‘lgan aktyor va aktrisalarni to‘plashga uringanlikda ham gumon qilinmoqda. U Hande Erchel, Serenay Sarikaya va boshqa mashhur turk yulduzlari bilan hamkorlikda ishlagan. Sudga taklif qilingan Halit Ergench esa Ayshening ajoyib inson ekanligiga iymoni komilligini va sud unga nisbatan nohaq ayblov qo‘yishga urinayotganini aytgan.
Foto: DW
Bu voqea 2025-yil 28-yanvarda ma’lum bo‘ldi. So‘ng Turkiya prokuraturasi olingan ma’lumotlardan qoniqmay, aktyorga ayblovlar qo‘ydi. Oradan ikki oy vaqt o‘tgani bois, ish yopilgandek tuyuldi. Ammo ma’lum bo‘lishicha, vaziyat yanada jiddiy tus olgan.
Aktyor taqdiri nima bo‘ladi?
Turkiya matbuoti xabariga ko‘ra, prokuratura Halit Ergenchning o‘zini himoya qilishga urinishlarini jazosiz qoldirilmaydi. Yaqin kunlarda Turkiyada navbatdagi sud jarayoni bo‘lib o‘tishi rejalashtirilgan, u yerda prokurorlar “Muhtasham yuz yil” filmi yulduzi yolg‘on maʼlumot bergani bo‘yicha dalillar taqdim etishadi. Agar sud aktyorning foydasiga bo‘lmasa, Halit Ergench to‘rt yilga ozodlikdan mahrum qilinishi mumkin.
Bundan tashqari, yana bir aktyor Riza Kojao‘g‘liga ham shunday ayblovlar qo‘yilgan. U “Tuzoq” va “Chuqur” seriallaridagi rollari bilan tanilgan.
Izoh (0)