Vitaminlar foydali, ammo ularni meʼyoridan oshirmaslik kerak. Biologik qo‘shimchalarni nazoratisiz qabul qilish organizmga jiddiy zarar yetkazishi mumkin. Ayniqsa B guruhi vitaminlarini shifokor tavsiyasisiz dori sifatida qabul qilish juda xavfli. Oxu.Az saytining xabar berishicha, bu haqda endokrinolog Larisa Bavikina so‘zlab bergan.
“Bunday vitaminlar tanamizdagi hujayralarning bo‘linishi bilan bog‘liq jarayonlarda ishtirok etadi. Bu esa nazoratisiz qabul qilinganida onkologik kasalliklar xavfini oshirad,”, deb taʼkidladi shifokor.
Bundan tashqari, mutaxassislar D vitamini ham ortiqcha isteʼmol qilinganda xavfli bo‘lishi mumkinligini taʼkidlashmoqda. Uning miqdori meʼyoridan oshsa, organizmda kalsiy almashinuvi buziladi. Bu esa qon tomirlarida cho‘kmalar hosil bo‘lishiga va natijada yurak xuruji yoki insultga olib kelishi mumkin. Turli tadqiqotlarga ko‘ra, A vitaminini qabul qilgan chekuvchilarda o‘pka saratoni ko‘proq rivojlangan.
Shifokorlar o‘z-o‘zini davolash bilan shug‘ullanmaslikni maslahat beradi. Hatto vitaminlarni ham mutaxassis tayinlashi lozim. Qabul qilishni boshlashdan oldin tahlil topshirish va organizmda haqiqatan ham maʼlum moddalar yetishmasligiga ishonch hosil qilish muhim.
Izoh (0)