Toshkent shahrida O‘zbekistondagi Numa diagnostics markazi hamda Turkiyaning dunyoga mashhur Medipol klinikasi o‘rtasida hamkorlik memorandumini imzolash marosimi tashkil etildi.
Tadbirda turkiyalik va o‘zbekistonlik taniqli shifokorlar, olimlar va ommaviy axborot vositalari vakillari ishtirok etdi.
Marosimda memorandum doirasida Numa diagnostics tekshiruv xulosalari Turkiyaning Medipol klinikasida to‘g‘ridan to‘g‘ri tan olinishi aytildi. Bu o‘zbekistonlik bemorlarga qator qulayliklar yaratadi.
Marosimda Medipol klinikasining tijorat bo‘yicha direktor o‘rinbosari Uygar O‘stun nutq so‘zlab, hamkorlikdan katta natijalar kutilayotganini aytdi.
“Medipol klinikasi 3 ta universitet, 4 ta universitet kampusi, 10 ta shifoxona va stomatologiya klinikalariga ega Istanbul va Anqaradagi eng yirik tibbiy xizmat ko‘rsatuvchi tashkilotdir. Shuningdek, Turkiyada tibbiy turizm sohasida yetakchi salomatlik guruhlaridan biridir. O‘tgan yili biz 153 ta mamlakatdan kelgan 40 ming nafardan ortiq bemorlarga tibbiy xizmatlar ko‘rsatdik. Ular orasida o‘zbekistonliklar ham bor. Biz O‘zbekistonda sog‘liqni saqlash sohasi rivojiga o‘z hissamizni qo‘shishdan mamnunmiz va buning uchun qo‘limizdan kelganicha yordam beramiz”, — dedi turkiyalik mehmon.
Muloqotda Numa kompaniyalar guruhi bosh direktori Olimjon Abduvahobov diagnostika markazining imkoniyatlari haqida ma’lumot berdi.
“Numa kompaniyasi kattalar va bolalar uchun 25 xildan ortiq tabiiy mahsulotlar, vitaminlar ishlab chiqaradi. Hozirgacha mahsulotlarimiz 90 mingdan ziyod mahalliy va xorijlik mijozlarga yetkazib berilgan. 2023-yil oxirida kompaniyamiz huzurida Numa diagnostika markazi faoliyatini yo‘lga qo‘ydik. Markazda minga yaqin turdagi analiz–tahlillar va laboratoriya tekshiruvlari olib boriladi. Laboratoriyamiz Butunjahon sog‘liqni saqlash tashkiloti tomonidan tavsiya etilgan barcha standartlarga to‘la javob beradi. Uskunalarimiz Germaniya va AQSH davlatlaridan olib kelingan”,—dedi kompaniya rahbari.
Memorandum imzolanishi munosabati bilan Toshkentga Turkiyadan onkologiya yo‘nalishida dunyoning kuchli o‘ntaligiga kiruvchi tibbiyot fanlari doktori, professor Ahmet Bilichi, gematolog Laylagul Kaynar, dotsent Yontem Yaman, dotsent Dilek Unal tashrif buyurdi. Ular 26-27-fevral kunlari Numa diagnostics ko‘rsatmalari asosida o‘zbekistonlik bemorlarni bepul ko‘rikdan o‘tkazadi. Konsultatsiya uchun ming nafardan ortiq bemor ro‘yxatga olingan.
Tadbir doirasida Medipol klinakasidan tashrif buyurgan mutaxassislar kelajakdagi rejalar haqida chiqish qildi. Numa diagnostics jamoasi ham memorandumning tibbiyotga va aholiga foydali tomonlari, kelajakda bu kelishuv qanday manfaatli loyiha bo‘lishi haqida fikr bildirdi. Mazkur kelishuv Turkiya va O‘zbekiston o‘rtasidagi hamdo‘stlik aloqalarini yanada mustahkamlashga ham xizmat qilishi alohida taʼkidlandi.
Shu bilan birga, kelajakda Numa kompaniyasi va Medipol o‘rtasidagi hamkorlik ko‘lami kengayib borishi ham aytildi. Xususan, yaqin yillarda O‘zbekistonda birinchilardan bo‘lib Xalqaro qo‘shma komissiya (JCI) sertifikatiga ega bo‘lgan innovatsion klinika ochish rejalashtirilgan.
Ma’lumot uchun, JCI — tibbiy faoliyatda ko‘rsatiladigan xizmatlar sifati uchun universal standartlar seriyasidir. Ushbu standartlar bo‘yicha akkreditatsiya sog‘liqni saqlash sifatining eng yuqori darajasini bildiradi. Seriya standartlari 1995-yilda Xalqaro qo‘shma komissiya (JCI) tomonidan AQShda ishlab chiqila boshlangan.
Numa diagnostics xizmatlari haqida quyidagi havolalar orqali batafsil maʼlumot olish mumkin:
Sayt: numadiagnostics.uz
Reklama huquqi asosida.
Izoh (0)