Mashhurlarning bir-biriga muxlislik qilishi shou-biznes olamidagi eng samimiy va ta’sirli lahzalardan biridir. Bu holat qanchalik taniqli, nufuzli va iste’dodli bo‘lishmasin, ular ham bir paytlar filmlar ko‘rgan, musiqa tinglagan va kumirlarga qoyil qolgan oddiy insonlar ekanini eslatadi. Quyida shunday mashhurlar haqida so‘z yuritamiz.
Endryu Garfild
Aktyor ancha vaqtdan beri “Kobra Kay” serialiga bo‘lgan muhabbatini yashirmay kelmoqda. Shu bois, Tanqidchilar tanlovi mukofotlari marosimida Ralf Machchio (o‘sha asl “Karate bolakay”) bilan uchrashuv uning uchun haqiqiy voqeaga aylandi.
Billi Aylish
Billi uchun Coachella festivalida Jastin bilan shaxsan tanishish deyarli ilohiy voqeaga aylandi. Sodir bo‘layotgan voqealarni Biberning menejeri Skuter Braun kameraga tushirib, storis’iga “mo‘jizali lahza” deb yozib qo‘ydi. Keyinroq musiqachi san’atkor bilan tushgan suratini o‘zi ijtimoiy tarmoqqa joyladi va shunday izoh qoldirdi: “Mana, bu sodir bo‘ldi... Sening oldingda porloq kelajak bor”. Aylish shu qadar ta’sirlandiki, keyinchalik Instagram’da shunday deb yozdi: “Ushbu dam olish kunlarida hayotimni o‘zgartiradigan ko‘plab voqealar sodir bo‘ldi. Bu odamlarni qanchalik yaxshi ko‘rishimni so‘z bilan ifodalay olmayman. O‘zimni cheksiz minnatdorlik hissi bilan to‘lib-toshgandek his qilyapman”.
Sara Polson
Hatto Sara Polson kabi tajribali va xarizmali aktrisa ham “Oushenning 8 dugonasi” filmidagi hamkasblaridan biriga ashaddiy muxlislik qiladi. “Bu Rianna edi. Uning oldida o‘zimni jiddiy tutmoqchi edim. Lekin... sal bo‘lmasa hushimdan ketayozdim!”, deya kulib e’tirof etdi u Jimmi Fellon bilan suhbatda.
Krissi Taygen
Krissi 2018-yildagi “Gremmi” mukofotlari marosimida Beyonse bilan uchrashganda befarq bo‘la olmadi. “Haqiqiy hayotda Beyonsega teng keladigan odam yo‘q. Uning qandaydir g‘aroyib aurasi bor”, dedi mashhur shaxs Jimmi Fellon shousida. U tadbirni tark etayotganda yulduz oldida tiz cho‘kkanini tan oldi. “Men uning qo‘llaridan ushladim (men hech kimga bunday qilmayman!) va dedim: ‘Sizni bezovta qilganim uchun uzr, malikam’. Kim shunday qiladi o‘zi? Men o‘zim kim bo‘libman?”, deya kuldi Taygen.
Kris Xemsvort
Intervyuda Xemsvort bir marta o‘zining ismdoshi va Marvel kino olamidagi hamkasbi bilan uchrashganda o‘zini yo‘qotib qo‘yganini tan oldi. “Bu g‘alati edi. Nima uchunligini bilmayman. U shunchaki juda xarizmatik va nihoyatda iste’dodli. Men juda hayajonlanib ketdim”, deb esladi aktyor.
Emma Uotson
Emma Uotson — Britaniya vazminligi va aql-zakovatining timsoli bo‘lsa-da, hatto u ham “Sohibjamol va Maxluq” premyerasida Selin Dion paydo bo‘lganida o‘zini tuta olmadi. “Men PR-mutaxassisimga yopishib olib, shivirladim: ‘Bu juda ajoyib!’”, deb hikoya qildi aktrisa Jimmi Kimmel shousida. Aktrisa bolaligida onasi bilan mashinada sayr qilishda xonandaning tinmay yangragan qo‘shiqlarini tinglaganini tan oldi: “Onamga Selin Dion bilan uchrashganimni aytganimda, u hayajondan yiqilib tushishiga sal qoldi”.
Chenning Tatum
Ellen Dejeneres shousida Chenningga kutilmagan sovg‘a tayyorlashdi: studiyaga gimnastika bo‘yicha Olimpiya chempioni Simona Baylz kirib keldi. Aktyor hayratdan tildan qoldi. “Hozir aqldan ozaman”, deb g‘o‘ldiradi u, so‘ng qo‘shib qo‘ydi: “Men, ehtimol, undan ham ko‘proq hayajonlanayapman”.
Adel
Hatto buyuk Adel ham Jenifer Eniston ayollar xonasiga kirganida o‘zini bosib tura olmadi. Qo‘shiqchi shunchalik dovdirab qoldiki, salomlashish o‘rniga “Salom, Reychel!” deb yubordi va aktrisani “Do‘stlar” serialidagi qahramoni nomi bilan chaqirdi. Qaysi birimiz his-hayajon ta’sirida adashmaganmiz? Chamasi, bunday murojaatga o‘rganib qolgan aktrisa buni to‘g‘ri tushungan.
Enn Xeteuey
O‘z filmining premyerasida Enn xotirjam intervyu berayotgan edi, biroq qizil gilamdan o‘tib ketayotgan Merayya Kerini ko‘rishi bilan vaziyat o‘zgardi. Shu lahzada suhbatni tugatsa bo‘lardi: aktrisa butunlay chalg‘ib, qo‘shiqchidan ko‘zini uzmay, u tomonga intila boshladi. “Uzr, uzr, lekin... bu axir Merayya-ku!” deya u jurnalistlar oldida o‘zini oqlashga urindi.
Izoh (0)