Ko‘pgina Gollivud yulduzlari oila va nikoh borasida tez-tez muammolarga duch kelsa-da, aksariyatining munosabatlari ajrashish bilan tugamaydi. Ular orasida bir necha yillar davomida baxtli yashab kelayotgan juftliklarni e’tiboringizga havola etamiz.
So‘nggi bir necha yil ichida dunyoga mashhur juftliklar ajrashdi: 2016-yilda Bred va Anjelinaning ajrashishi ko‘pchilikni hayratda qoldirdi, bir muncha vaqt o‘tgach, Mayli Sayrus va Liam Xemsvort, Kayli Jenner va Trevis Skott, Kim Kardashyan va Kanye Uest, Adel va Saymon Konekki va boshqalar. Biroq har bir qayg‘uli ajrim uchun ilhomlantiruvchi chiroyli sevgi hikoyalari ham mavjud.
Sindi Krouford va Rendi Gerber – 26 yil birga
Biznesmen Rendi Gerber supermodel Sindi Krouford bilan tanishganida, u Richard Girning rafiqasi edi. 1995-yilda model aktyor bilan ajrashganidan so‘ng Gerber bilan uchrashishni boshladi. Ular 1998-yil 29-mayda turmush qurishdi va ikki farzandi bor: qizi Kaya va o‘g‘li Presli.
Rayan Gosling va Yeva Mendes – 10 yil
Rayan Gosling va Yeva Mendes 2010-yilda “Qarag‘aylar ostidagi joy” filmining suratga olish jarayonida tanishgan. Shundan keyin juftlik o‘z munosabatlarini ehtiyotkorlik bilan yashirib, shaxsiy hayotlarini sir saqlashga jiddiy yondashadi. Faqatgina filmning premyerasida Rayan va Yeva qizil yo‘lakda birga birgalikda ko‘rinish berdi va ular orasidagi munosabat barchaga ma’lum bo‘ldi.
Rayan Reynolds va Bleyk Layvli – 11 yil
Rayan Reynolds va Bleyk Layvining munosabatlarini uchta so‘z bilan ifodalash mumkin: qo‘llab-quvvatlovchi, qiziqarli va ajoyib. Juftlik 2010-yilda tanishgan, 2011-yilda uchrasha boshlagan va 2012-yilda turmush qurgan. Juftlik hozirda uchta qizni tarbiyalamoqda.
Devid va Viktoriya Bekhem – 24 yil
1997-yilda Devid Bekhem va Viktoriya uchrasha boshlagani ma’lum bo‘lgach, butun dunyo e’tiborini ularga qaratdi. Britaniyalik juftlik 1999-yilda turmush qurgan va hozirda to‘rt farzandni tarbiyalamoqda.
Tom Xenks va Rita Uilson – 36 yil
Tom Xenks bir kuni Opra Uinfriga shunday degan edi: “Men baxtli odamman. Balki Rita mendan yaxshiroq insonni uchratishi ham mumkin edi, lekin bilasizmi, insonning vaqti-vaqti bilan lotereyasiga yutuq chiqadi”. Er-xotin 1981-yilda tanishishgan, 1988-yilda turmush qurgan va o‘shandan beri baxtli hayot kechirmoqda.
Jey-Z va Beyonse – 20 yil
Beyons Noulz va Jey-Z 2002-yilda bir nechta qo‘shiq ustida ishlagandan so‘ng uchrashishni boshladi. O‘shandan beri ular birga: musiqachilar nafaqat uchta farzandni tarbiyalashdi, balki birgalikda Tidal eng yirik striming xizmatlaridan biriga egalik qiladi.
Jon Krasinski va Emili Blant – 12 yil
Jon Krasinski va Emili Blant 2008-yilda do‘sti orqali uchrashgan. 2020-yil iyul oyida juftlik nikohining 10 yilligini nishonladi. Ularning ikkita qizi bor: Vayolet va Xeyzel.
Deniel Moder va Juliya Roberts – 20 yil
Gollivuddagi eng kuchli juftliklardan yana biri Juliya Roberts va operator Deniel Moderdir. Ular 2000-yilda “Meksikalik” filmining suratga olish maydonchasida tanishgan. O‘sha paytda Juliya Benjamin Bratt bilan uchrashardi, Deniel esa oilali edi, ammo bu sevishganlar uchun to‘siq bo'lmadi. Ikki yil o‘tib, 2002-yilda ular turmush qurdi.
Mettyu Broderik va Sara Jessika Parker – 29 yil
Sara Jessika Parker Robert Dauni bilan ajrashgandan so‘ng u Mettyu bilan 1997-yilda, birinchi uchrashuvdan besh yil o‘tib, ular turmush qurdi. Baxtli oilaning siri nimada degan savolga Sara Jessika: “Men, albatta, munosabatlar bo‘yicha mutaxassis emasman, lekin senga 100 foiz ishonadigan odam bilan birga bo‘lishing kerak. Agar bunday bo‘lmasa, unda munosabatlardan foyda yo‘q”, – deb javob qaytardi.
Don Gammer va Meril Strip – 43 yil
Meril Strip Gollivud an’analarini buzdi va 1978-yilda aktyorga emas, balki haykaltaroshga turmushga chiqdi. Aktrisaning turmush o‘rtog‘i Don Gammer hayotini sir saqlashni afzal ko‘radi. Er-xotinning to‘rt farzandi bor.
Maykl Duglas va Ketrin Zeta-Jons – 25 yil
1996-yilda Maykl Duglas o‘zidan 25 yosh kichik bo‘lgan Ketrin Zeta-Jonsni uchratgan. Er-xotin 2000-yilda turmush qurgan. Ular qiyin paytlarni, jumladan, Mayklda tomoq saratoni va 2013-yilda oilaviy muammolarni boshdan kechirishga muvaffaq bo‘lishdi, ammo er-xotin munosabatlarini saqlab qoldi. Ularning ikki farzandi bor: o‘g‘li Dilan va qizi Keris.
Enrike Iglesias va Anna Kurnikova – 20 yil
Sportchi Anna Kurnikova professional tennisni tark etishga muvaffaq bo‘ldi, ammo uning Enrike Iglesias bilan munosabatlari hali ham mustahkam. Juftlik 2001-yilda uchrasha boshlagan va taxminan 2008-yilda turmush qurishgan, biroq ular haligacha to‘y tafsilotlarini sir saqlashadi. Ularning uchta farzandi bor: 2017-yilda tug‘ilgan egizaklar Nikolay va Lyusi va 2020-yilda tug‘ilgan qizi Masha.
Stedman Grem va Opra Uinfri – 35 yil
Mashhur teleboshlovchi Opra Uinfri muvaffaqiyatli karyera va shaxsiy hayotni birlashtirib bo‘lmaydi degan barcha stereotiplarni yo‘q qiladi. U yozuvchi va biznesmen Stedman Grem bilan 1986-yildan beri birga hayot kechirib kelmoqda.
Izoh (0)