Shou-biznes vakillari tashqi ko‘rinishiga ayniqsa e’tiborli bo‘lishadi. Yulduzlar plastik jarrohlik va kosmetolog xizmatlariga murojaat qilishadi, tez-tez imijini o‘zgartiradi va doimiy ravishda o‘zlari uchun yangi obrazlar qidiradi.
Bella Hadid
Bundan atigi 10-15 yil oldin Bella Hadid o‘smir edi. Bunda uning tashqi ko‘rinishi aniq sabablarga ko‘ra boshqacha ko‘rinardi: rivojlanish, o‘sish jarayoni, o‘smirlik va hokazo. Biroq ko‘pchilik Bellaning hozirgi tashqi ko‘rinishini plastik jarrohlik natijasi deb hisoblashadi. Ularning fikriga ko‘ra, Hadid “tulki ko‘zlar” effekti va boshqa o‘zgarishlar tufayli tanib bo‘lmas darajada o‘zgargan.
“Odamlar o‘smirlik paytimda tushgan bir nechta suratlarga taqqoslab, yuzini butunlay o‘zgartirgan, deb o‘ylashadi. Ammo ishonchim komilki, siz ham hozir 13 yoshingizdagidek ko‘rinmaysiz, to‘g‘rimi?”, — deydi model jarrohlik aralashuvlarini inkor etgan holda.
Kim Kardashyan
Opa-singil Kardashyan-Jennerlarning har biri tashqi qiyofasini yaxshilash uchun bir necha bor jarrohlik xizmatidan foydalangan. Garchi ular avvaldanoq ajoyib ko‘rinishga ega bo‘lsalar ham. Muxlislar, ayniqsa, Kim Kardashyanning o‘zgarishiga qiziqish bildiradi. U butun tanasini to‘liq “o‘zgartirgan” — yuzidan tortib beligacha.
Madonna
Madonnaning zamonaviy suratlari bilan 10-15 yil oldingi kliplarini solishtirsangiz, ular ikki xil odam deb o‘ylashingiz mumkin. Vaqt qo‘shiqchining tashqi ko‘rinishiga o‘z ta’sirini o‘tkaza boshlagach, u plastik jarrohlar va kosmetologlar yordamiga murojaat qilishga qaror qiladi. Yulduz nafaqat yuzini, balki tanasini ham o‘zgartirgan.
Megan Foks
Bir paytlar Gollivudning eng quvnoq aktrisalaridan biri katta lablar uni yanada chiroyli qilishiga ishonadi. Uning yuzi, avvalgi go‘zalligi va yoqimli xususiyatlarini saqlab qolgan bo‘lsa-da, hissiz qo‘g‘irchoqqa o‘xshay boshladi. Hozirda Foks tanib bo‘lmas darajada o‘zgardi va bir necha bor plastik jarroh xizmatidan foydalandi.
Lindsi Lohan
Sog‘lom turmush tarzi Lindsi Loxanning tashqi qiyofasini yaxshi tomonga o‘zgartirdi. Tomoshabinlar uni 2000-yillarning shov-shuvli loyihalaridagi kamtar qiz sifatida eslashadi. Lindsi yillar davomida o‘zgarib bordi. U juda chiroyli, nazokatli va uyg‘un ko‘rinadi. Hozirda aktrisa shaxsiy hayotida baxtli: u turmushga chiqdi va birinchi farzandini dunyoga keltirdi.
Adel
Xonanda sportga mehr qo‘ygan yulduzlardan biri hisoblanadi. Aynan sport Adelga tanib bo‘lmas darajada o‘zgarishiga yordam bergan. Qo‘shiqchi 2019-yilda Saymon Konekki bilan ajrashgach, juda qiynalgan: yulduz doimiy ravishda stressni boshdan kechirgan va ruhiy tushkunlik tufayli tashqi ko‘rinishiga e’tibor bermagan.
Adel nihoyat o‘zini qo‘lga oldi, ruh va tana uyg‘unligi formulasini topdi — muntazam jismoniy mashqlar, to‘g‘ri ovqatlanish va spirtli ichimliklardan saqlanish. Xonanda hozirgacha mashg‘ulotlarni yaxshi ko‘radi.
Izoh (0)