Ko‘plab mashhurlar hech bo‘lmaganda bir marta plastik jarroh operatsiya stolida yotgan. Ayrimlari bu haqda ochiqchasiga so‘z yuritadi, boshqalari esa bunday tajribani yashirishga harakat qiladi. O‘z qiyofasini o‘zgartirishga bo‘lgan urinish esa ba’zilar uchun muvaffaqiyat emas, balki faoliyatiga salbiy ta’sir ko‘rsatgan. Ushbu maqolada plastik operatsiya qilganidan afsuslangan va avvalgi go‘zalligini tiklash istagida bo‘lgan yulduzlar haqida hikoya qilinadi.
“Do‘stlar” seriali yulduzi Kortni Koks tan olganidek, u bir paytlar go‘zallik inyeksiyalariga haddan tashqari berilib ketgan va bunga qaramay, o‘zidagi o‘zgarishlarni uzoq vaqt davomida sezmagan. Uning aytishicha, muxlislar uni endi tanimayotganini yozgan, rejissyorlar esa yangi rollar taklif qilishni to‘xtatgan. Bir kuni esa Koks o‘zini oynada tanimay qolgan.
Men boshqalarga g‘alati ko‘rinayotganimni tushunmasdim. Ammo bir kun kelib, do‘stlarimning gaplari haqiqat ekanini angladim. Bilganimda bunday operatsiyani qildirmagan bo‘lar edim, deydi aktrisa.
Shundan so‘ng, Kortni terisi ostidagi fillerni oldirishga qaror qilgan va o‘zining tabiiy qiyofasini qaytarishga muvaffaq bo‘lgan. Bugungi kunda u faqat krem va niqoblar bilan parvarish qiladi hamda hech qanday plastik operatsiya haqida o‘ylamayotganini ta’kidlaydi.
Ariana Grande: “Yillar davomida lablarimda filler bo‘lgan”
Foto: Instagram
Qo‘shiqchini doim plastik jarrohlikda ayblashgani bois, u hattoki poligraf (yolg‘on aniqlash detektori) testidan ham o‘tgan. Qurilma qizning yuz tortish, burun va ko‘krak operatsiyalari qilmagani haqidagi so‘zlarini tasdiqladi.
Yillar davomida lablarimga ko‘p miqdorda filler va boteks qildirdim. Bir payt yuzim juda harakatsiz bo‘lib qolgani va lablarim juda katta ekanini angladim. Men inyeksiyalardan voz kechdim. Endi o‘z ajinlarimni ko‘rishni xohlayman, dedi qo‘shiqchi.
Shu bilan birga, u kelajakda yana bunday protseduralarga qaytishi mumkinligini rad etmadi. Barcha muxlislar uning tabiiyligiga ishonmaydi, chunki 32 yoshida Ariana o‘zini o‘spirin kabi ko‘rsatmoqda.
Bella Hadid: 14 yoshda qilingan rinoplastikadan afsusda
Foto: Kino-teatr.ru
Dunyoning eng go‘zal ayollaridan biri Bella Hadid uzoq vaqt davomida hech qanday operatsiya qilmaganini aytib kelgan. Ammo Vogue jurnaliga bergan intervyusida u 14 yoshida rinoplastika (burun operatsiyasi) qilganini tan oldi va hozir bundan afsusda ekanini bildirib o‘tdi.
Qiz hozir o‘zining ajdodlaridan meros qolgan tashqi ko‘rinishini saqlab qolishni xohlashini, ammo yoshligida jiddiy komplekslarga duch kelganini aytdi. Shu sababli onasi bunga rozi bo‘lib, operatsiyani amalga oshirishga ruxsat bergan. Boshqa operatsiyalar va fillerlar haqidagi ma’lumotlarni esa Bella rad etdi: u yuzini va lablarini buzishdan qo‘rqishini ta’kidladi.
Mikki Rurk: plastik operatsiyalar faoliyatini barbod qildi
Foto: Instagram
Mikki Rurk aktyorlikdan professional bokschilikka o‘tdi. Bu esa unga og‘ir jarohatlar evaziga tushdi: uning burni besh marta singan. Kinoga qaytmoqchi bo‘lganida esa, aktyor shou-biznesda “ideal yuz” talab qilinishini tushundi va plastik operatsiyalarga murojaat qildi.
Ammo natijalar fojiali bo‘ldi — Rurk o‘zini tanimaydigan darajaga yetdi, yuz ifodalari yo‘qoldi.
Agar vaqtni ortga qaytara olsam, jarroh stolida yotmagan bo‘lardim, degan u intervyularida.
Notabiiy ko‘rinish unga faqat salbiy rollarni olib keldi — ashaddiy qotillar, jinoyatchilar… Har galgi operatsiya esa vaziyatni yanada yomonlashtirgan.
Kayli Minoug
Foto: evoke.ie
Avstraliyalik qo‘shiqchi Kayli Minoug uzoq yillar davomida plastik operatsiyalarni rad etib keladi. Ijtimoiy tarmoqlardagi suratlarida u tabiiy ko‘rinishga ega. Ammo tasodifiy suratlar muxlislarda xavotir uyg‘otgan: 57 yoshli qo‘shiqchining yuzi nosimmetrik ko‘rinadi, terisi esa g‘ayrioddiy silliq.
Kaylining aytishicha, u ilgari boteks va boshqa estetik muolajalarni sinab ko‘rgan, ammo jarrohlik aralashuvlaridan butkul voz kechganini aytadi. Bu rostmi-yo‘qmi noma’lum.
Zero, tomoshabinlarga to‘liq yoqish imkonsiz: kimdir ajinga e’tiroz bildirsa, boshqasi haddan tashqari “ideal” yuzdan shikoyat qiladi.
Izoh (0)