Mashhurlar ekranda hamisha yuzida tabassum bilan ko‘rinish bergani, obrazi va makiyaji mukammalligi bois ularda muammo yo‘qdek ko‘rinadi. Ammo hamma singari yulduzlarning ham hayotida turli voqealar yuz berishi mumkin.
Bella Xadid
Eng talabgir modellardan hisoblangan Bellaga o‘xshash uchun millionlab qizlar harakat qiladi. Ammo jurnal muqovalarida kulib turgan qiz ko‘plab, ko‘z yosh to‘kkanini hamma ham bilavermaydi. Instagram sahifasiga yig‘layotgan suratlarini joylagan model, yig‘lashi har kuni takrorlanishini yozib qoldirgan. Xadid bu orqali Instagram’dagi mukammal suratlar hayotdagidan farq qilishi mumkinligiga urg‘u bergan. Bundan tashqari, Bellaning maqsadi muammolari haqida ochiq gapira olmasligi sababli, o‘zini yolg‘iz his qilgan barchani qo‘llab-quvvatlashdan iborat edi.
Adel
Ko‘pchilik Adel va Saymon Konekkini turmushiga havas qilib qaragan. Ammo bergan intervyularida Adel, aslida bundan bir necha yillar avval ajrashishi kerak bo‘lganini ma’lum qilgan. Balki shu sabab ham u depressiyadan aziyat chekkan bo‘lishi mumkin. Sal avval bergan intervyusida esa qo‘shiqchi hatto ayrilganidan keyin ham unga oson bo‘lmaganini ta’kidlagan. “Depressiya va xavotir. Bir tomondan men o‘zimni karavotdan ko‘tara olmaganman. Boshqa tomondan esa o‘zimni nimadir bilan band qilishim kerak edi”, — degan Adel.
Kendall Jenner
Sohibjamol va muvaffaqiyatli Kendall, kamdan-kam hollarda internet foydalanuvchilariga yuragini ochib-sochadi. Oilaviy shoulardan birida esa u quyidagi so‘zlarni ta’kidlagan: “Barcha menda hammasi yaxshi ekanini aytadi, ammo men ham o‘zimni yomon his qilaman. Hamma buni men shifoxonaga tushganimdagina his qiladi, xolos”. Jurnalistlar bilan suhbatda esa xavotir va vahimadan aziyat chekishini, tun yarmida uyg‘onib ertalabgacha uxlay olmasligini ma’lum qilgan.
Kara Delevin
2015-yil Kara uchun omadli kelgan. Moda uylaridan unga keladigan takliflar soni tinmagan. Ammo shunga qaramay, model o‘zini bosim ostida qolgandek his qilgan. “Bu vaqtda men shunchaki o‘lishni istaganman. Men bu noto‘g‘riligi, baxtli bo‘lishim va menda bor narsalar sabab minnatdor bo‘lishim kerakligini bilardim. Ammo hech nima qila olmaganman. Bu avval men bilan sodir bo‘lmagandi”, — degan u.
Emma Stoun
Aktrisani bolaligidan vahima va xavotirga tushish bezovta qilgan. Intervyulardan birida yulduz unga hatto malakali shifokorlar muammoni oxirigacha bartaraf qilishga yordam bera olmaganini ta’kidlagan. Emma kasbi uning uchun qaysidir ma’noda dardiga davo bo‘lgani: faoliyatidagi mashg‘ullik salbiy emotsiyalarning yo‘qolishiga sabab bo‘lganini ma’lum qilgan.
Izoh (0)