Ipoteka Bank OTP Group Parkent tumanida istiqomat qiluvchi aholi uchun zamonaviy mahalla fuqarolar yig‘ini binosining qurilishi yakunlanganini mamnuniyat bilan e’lon qiladi. Ushbu loyihani amalga oshirish bankning mintaqaviy infratuzilmani rivojlantirish hamda mahalliy jamoalarni qo‘llab-quvvatlashga qaratilgan strategik tashabbuslari doirasida amalga oshirildi.
“Quyosh” mahalla markazi beshta xonadan iborat bo‘lib, fuqarolarni qabul qilish, dolzarb muammolarni muhokama qilish va jamoaviy tadbirlar o‘tkazish uchun barcha zarur sharoitlar yaratilgan. Markazda xotin-qizlar va yoshlar uchun alohida xonalar, ma’muriy va ijtimoiy masalalarni hal etishga mo‘ljallangan ofislar, majlis zali hamda qulay dam olish zonalari mavjud. Binoga zamonaviy mebellar o‘rnatilgan, konditsioner tizimi bilan jihozlangan, imkoniyati cheklangan fuqarolar uchun kirish yo‘laklari mavjud. Shuningdek, markaz atrofi tozalandi, obodonlashtirildi va ko‘kalamzorlashtirildi.
“Quyosh” mahallasi raisi Mirsobitov Mirqobil bu borada quyidagicha ta’kidladi:
Avvallari yig‘ilishlarimiz tor joyda o‘tardi va bu aholining faolligiga salbiy ta’sir ko‘rsatardi. Endilikda bizda keng, yorug‘ va zamonaviy binoga ega markaz bor. Bu yerda yoshlar, keksalar, ayollar — hamma uchun qulaylik mavjud. Bu markaz — bizning yangi uyimiz. Bu yerda muammolarga yechim topiladi, yangi g‘oyalar tug‘iladi, birdamlik mustahkamlanadi. Ipoteka Bank OTP Group’ga chin dildan minnatdorchilik bildiramiz.
Endi “Quyosh” mahalla markazi oddiy bino emas — u jamoat hayotining markaziga aylangan. Parkentliklar muloqot, bayramlar va kelajakni birga barpo etish uchun qulay va zamonaviy maskanga ega bo‘ldi.
Ipoteka Bank OTP Group’ning Toshkent viloyati bo‘yicha Hududiy filial boshqaruvchisi o‘rinbosari G‘anisher Mamatqulov shunday dedi:
Biz oddiy bino qurmayapmiz — biz imkoniyatlar yaratmoqdamiz. Har bir fuqaro e’tibor va g‘amxo‘rlikni his etishi kerak. Ishonamizki, ushbu markaz mahalla hayotining yuragiga aylanadi, insonlar o‘rtasidagi yaqinlik va taraqqiyot manbai bo‘ladi.
Ipoteka Bank OTP Group kelgusida ham ahamiyatli ijtimoiy loyihalarni amalga oshirishni davom ettiradi. Chunki barqaror taraqqiyot — insonlarga va ularning kundalik ehtiyojlariga hurmat bilan munosabatda bo‘lishdan boshlanadi.
LinkedIn/Telegram/Instagram/ Facebook/ You Tube/Website
Reklama huquqi asosida
Izoh (0)