Surxondaryo viloyati Denov tumanida o‘rmon xo‘jaligiga tegishli yerni 105 million so‘mga sotmoqchi bo‘lgan shaxs ushlandi. Bu haqda viloyat IIB axborot xizmati xabar bermoqda.
Ma’lum qilinishicha, 2021-yil 6-dekabr kuni Surxondaryo viloyati IIB Jinoyat qidiruv boshqarmasi Korrupsiya va iqtisodiy jinoyatlarga qarshi kurash bo‘limi xodimlari tomonidan Sariosiyo tumanida yashovchi A.A.ning arizasiga asosan Denov tumani “Jomiy” mahallasi hududida tezkor tadbir o‘tkazilgan.
Tadbir davomida Denov tumani “Pojur” mahallasida yashovchi J.B. mahalla hududida joylashgan o‘rmon xo‘jaligiga tegishli bo‘lgan 15 sotix yerning o‘ziga tegishli ekanini, 105 million so‘m pul evaziga kadastr hujjatlarini rasmiylashtirib berishni aytib, A.A.dan 30 million so‘m olayotganida ashyoviy dalillar bilan qo‘lga olingan.
Qayd etilishicha, 2021-yil 16-dekabr kuni J.B.ga nisbatan Jinoyat kodeksining 168-moddasi 2-qismi “a” bandi (ancha miqdorda firibgarlik) bilan jinoyat ishi qo‘zg‘atilgan.
Mavzuga doir:
- Buxoroda hokimlikning soxta xodimi fuqaroga bepul uy olib berish uchun 2 ming dollar olgani aniqlandi
- Qoraqalpog‘istonda mahkumni ozodlikka chiqarib berish uchun 10 ming dollar so‘ragan hamshira ushlandi
- Toshkentda ipoteka krediti ajratib berish evaziga fuqarodan 2 ming dollar talab qilgan bank bo‘limi boshlig‘i ushlandi
Izoh (0)