Qashqadaryo viloyatining Kitob tumani, “Qaynar” MFY hududidagi qir adirliklarida 4-iyul kuni soat 12:08 da quruq o‘t yonib ketdi. Bu haqda FVV matbuot xizmati xabar berdi.
Ikkita yong‘in-qutqaruv ekipajlari voqea joyiga yetib borib, yong‘in soat 17:00 da bartaraf etildi.
Yong‘in Taxtaqoracha dovonidan o‘tgan avtomobil yo‘liga xavf solmagan. Dovonda ikki tomonlama avtomobillar harakati davom etmoqda.
Hodisa joyiga Qashqadaryo viloyati hokimi Murotjon Azimov boshchiligidagi masʼullar yetib borgan.
Yong‘in davomida insonlar va ularning mulklariga zarar yetmagan. Hozirda tegishli tashkilotlar yong‘inni kelib chiqish sabablarini o‘rganishmoqda.
Izoh (0)