“O‘zbekiston temir yo‘llari”ning sobiq raisi kompaniya bosh muhandisi etib tayinlandi

O‘zbekiston hukumatning tegishli qaroriga muvofiq “O‘zbekiston temir yo‘llari” tizimida qator tayinlovlar amalga oshirildi. Xususan:

Zufar Narzullayev – “O‘zbekiston temir yo‘llari” AJ boshqaruv raisi lavozimiga;

Hikmatulla Rahmetov – “O‘zbekiston temir yo‘llari” AJ boshqaruvi raisining transformatsiya, raqamlashtirish va moliya bo‘yicha birinchi o‘rinbosari lavozimiga;

Husnutdin Hosilov – “O‘zbekiston temir yo‘llari” AJ bosh muhandisi lavozimiga;

Abdumalik Kamiljonov – “O‘zbekiston temir yo‘llari” AJ boshqaruvi raisining tashishlar va logistika bo‘yicha o‘rinbosari lavozimiga;

Elyor Rizayev – “O‘zbekiston temir yo‘llari” AJ boshqaruvi raisining temiryo‘l obyektlarini taʼmirlash va qurish bo‘yicha o‘rinbosari lavozimlariga tasdiqlandi.

Iyul oyida prezident raisligida o‘tkazilgan videoselektr yig‘ilishida “O‘zbekiston temir yo‘llari” AJ raisi Husniddin Hosilov lavozimidan ozod etilgandi. Yig‘ilishda bundan to‘rt yil avval Toshkent—Samarqand, Toshkent—Andijon pulli yo‘llari va “Taxtaqoracha” dovonida pulli tunnel qurish topshiriqlari berilgani, biroq na loyiha qilish, na investor jalb qilish bo‘yicha haligacha amaliy ishlar boshlanmagani tanqid ostiga olingan edi.

Shuningdek, “O‘zbekiston temir yo‘llari” aksiyadorlik jamiyati yagona aksiyadori qaroriga muvofiq, quyidagi rahbarlarni lavozimlarga tayinlandi:

• Sirojiddin Norqobilov – “Temiryo‘linfratuzilma” aksiyadorlik jamiyati bosh direktori 2023-yil 13-dekabr kunidan;
• Abdusamat Mo‘minov – “Temiryo‘lkargo” aksiyadorlik jamiyati bosh direktori 2023-yil 13-dekabr kunidan;
• Dilshodjon Xojiakbarov – “Temiryo‘lekspress” aksiyadorlik jamiyati bosh direktori 2023-yil 13-dekabr kunidan;
• Muxsinjon Musajonovich – “Temiryo‘l ijtimoiy xizmatlar” muassasasi direktori 2023-yil 13-dekabr kunidan;
• Azizjon Xolmatov – “O‘ztemiryo‘lyo‘lovchi” aksiyadorlik jamiyati “Temir yo‘l vokzallari” MCHJ direktori 2023-yil 13-dekabr kunidan;
• Muratjon Mamaraimov – “O‘ztemiryo‘lyo‘lovchi” aksiyadorlik jamiyati “Shahar atrofida yo‘lovchi tashish” MCHJ direktori 2023-yil 13-dekabr kunidan.

Eslatib o‘tamiz, sentyabr oxirlarida prezident Shavkat Mirziyoyev huzurida temiryo‘l sohasida hal qilinishi lozim bo‘lgan asosiy masalalar yuzasidan yig‘ilish o‘tkazilgandi. O‘shanda “O‘zbekiston temir yo‘llari” xoldingga aylantirilishi, shuningdek, “O‘zbekiston temir yo‘llari”ning nosohaviy aktivlarini sotish vazifasi qo‘yilgani to‘g‘risida xabar berilgandi.