Noqulay ob-havo sharoiti tufayli Olmaota-Toshkent-Termiz avtomobil yo‘li uchastkasida transport harakati yopildi. Bu haqda “KazAvtoJol”ga tayanib, Zakon.kz xabar berdi.
Ma’lum qilinishicha, mahalliy vaqt bilan soat 22:40 dan ob-havo sharoitining yomonlashishi munosabati tufayli A-2 Olmaota – Toshkent – Termiz avtomobil yo‘lining 59-kilometri (Janaqurlis qishlog‘i) – 143-km (Jambil viloyati chegarasi)da yuk va jamoat transporti harakati cheklangan.
Qozog‘iston sinoptiklari 2024-yil 30-yanvar kuni yog‘ingarchilik (asosan qor) kuzatilib, yerlar muzlashini prognoz qilgan.
29-yanvar kuni O‘zbekiston Favqulodda vaziyatlar vazirligi Taxtaqoracha dovoni kuchli qor yog‘ayotgani sababli avtomobillar harakati uchun vaqtincha yopilganini ma’lum qilgandi. Dovon yo‘li qayta ochilishi bo‘yicha qo‘shimcha ma’lumot taqdim etiladi.
Izoh (0)