Қашқадарё вилоятининг Китоб тумани, “Қайнар” МФЙ ҳудудидаги қир адирликларида 4 июль куни соат 12:08 да қуруқ ўт ёниб кетди. Бу ҳақда ФВВ матбуот хизмати хабар берди.
Иккита ёнғин-қутқарув экипажлари воқеа жойига етиб бориб, ёнғин соат 17:00 да бартараф этилди.
Ёнғин Тахтақорача довонидан ўтган автомобиль йўлига хавф солмаган. Довонда икки томонлама автомобиллар ҳаракати давом этмоқда.
Ҳодиса жойига Қашқадарё вилояти ҳокими Муротжон Азимов бошчилигидаги масъуллар етиб борган.
Ёнғин давомида инсонлар ва уларнинг мулкларига зарар етмаган. Ҳозирда тегишли ташкилотлар ёнғинни келиб чиқиш сабабларини ўрганишмоқда.
Изоҳ (0)