Prezidentning Ozarbayjonga tashrifi, Andijonda profilaktika inspektori mast fuqaro pichoqlashidan vafot etishi, Toshkentda Rohat aylanma yo‘li vaqtincha yopilgani sabab tirbandliklar yuzaga kelishi — “Daryo” nashri 2-iyulda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkent viloyatida pora evaziga 3 mln dollar kredit olib bermoqchi bo‘lganlar qamoqqa olindi
Ulardan biri oldindan 150 ming dollarni olayotganida ushlangan.
Yakkabog‘ va Paxtaobod tumanlariga yangi hokimlar tayinlandi
Qashqadaryodagi tumanga Abdunabi G‘iyosov, Andijon viloyatidagi tumanga Davronbek Sattorov hokim bo‘ldi.
Buxoroda piyoda sabab kortej yo‘lini to‘sgan haydovchi jarimaga tortildi (video)
Buxoro viloyati Yo‘l harakati xavfsizligi boshqarmasi axborot xizmati holat yuzasidan “Daryo”ga izoh berdi.
Andijonda profilaktika inspektori mast fuqaro pichoqlashidan vafot etdi
Voqea joyidan yashiringan 65 yoshli gumondor qidiruvga berildi.
Shavkat Mirziyoyev Ozarbayjonga davlat tashrifi bilan keldi (foto)
Prezidentni Ozarbayjon bosh vaziri birinchi o‘rinbosari va boshqa rasmiylar kutib oldi.
Toshkentda Rohat aylanma yo‘li vaqtincha yopilgani sabab tirbandliklar yuzaga keldi (video)
Bu haydovchilar va yo‘lovchilarga noqulaylik tug‘dirdi.
Toshkentdagi bog‘chada bolakay e’tiborsizlik sabab 2-qavat zinasidan tushib ketdi
Uning ahvoli og‘ir bo‘lgani sababli jonlantirish bo‘limiga joylashtirilgan.
Bokuda Shavkat Mirziyoyevni rasmiy kutib olish marosimi bo‘lib o‘tdi (foto)
Oliy martabali mehmonni Ozarbayjon prezidenti Ilhom Aliyev samimiy kutib oldi.
O‘zbekistonda o‘zini o‘zi band qilgan taksichilar uchun soliqlarni agregatorlar to‘laydi
Bunday taksichilar yillik daromadi 100 mln so‘mdan oshganda, ular to‘lashi lozim bo‘lgan soliqlar yuridik shaxslar tomonidan ushlab qolinadi.
“Munosabatlarimiz tarixda hech qachon bugungidek yuksak darajada bo‘lmagan” — Shavkat Mirziyoyev
O‘zbekiston va Ozarbayjon prezidentlari tor doirada uchrashuv hamda Oliy davlatlararo kengashning ikkinchi yig‘ilishini o‘tkazdi.
Samarqandda mansabdorlar eksportni qo‘llab-quvvatlash uchun ajratilgan pullarni o‘zlashtirgani aniqlandi
Ular 600 mln so‘m byudjet mablag‘larini o‘z hisob raqamlariga o‘tkazishga erishgan.
O‘zbekiston va Ozarbayjon prezidentlari Oliy davlatlararo kengashning ikkinchi yig‘ilishi qarorini qabul qildi
Shuningdek, davlat rahbarlari huzurida qator ikki tomonlama hujjatlar almashildi.
Bektemirdan o‘tuvchi avtomobil yo‘lining ayrim qismlarida harakat 5 kunga bir tomonlama yopiladi
Bunga yo‘lning asfalt-beton qoplamasida rejaga asosan ta’mirlash ishlari olib borilishi sabab bo‘ladi.
“Siz mamlakat hududiy yaxlitligini tikladingiz”. Shavkat Mirziyoyev Ilhom Aliyev rahbarligida Ozarbayjon erishayotgan yuksak natijalardan xursandligini aytdi
O‘zbekiston va Ozarbayjon prezidentlari OAV vakillari bilan uchrashuvda muzokaralar yakunlari yuzasidan fikr bildirdi.
Toshkentdagi ko‘chalardan birida avtomashinalar harakati vaqtincha cheklanadi
Bunga O‘zbekiston ovozi ko‘chasida olib borilayotgan qurilish, taʼmirlash ishlari sabab bo‘ladi.
O‘zbekiston va Ozarbayjon prezidentlari Bokuda “O‘zbekiston” bog‘iga tamal toshi qo‘ydi
Loyihaga ko‘ra, 8,5 gektar maydonda O‘zbekistonning boy madaniyati va anʼanalarini namoyish etadigan majmua barpo etiladi.
Shavkat Mirziyoyev va Ilhom Aliyev O‘zbekistonning Bokudagi elchixonasi yangi binosini ochib berdi (foto)
Elchixona zallari O‘zbekiston hududlari nomi bilan atalgan.
Izoh (0)