Prezidentning matbuot va ommaviy axborot vositalari xodimlariga tabrigi, “Manchester Siti” O‘zbekistondan yana bir futbolchi sotib olishi mumkinligi, Toshkentda onlayn narkodo‘konning 5 nafar aʼzosi qo‘lga olinishi — “Daryo” nashri 27-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda aliment to‘lovlarining eng kam miqdorini qayta ko‘rib chiqish taklif etildi
Bugungi kunda alimentning eng kam miqdori minimal iste’mol xarajatlaridan ikki baravar kam.
Shavkat Mirziyoyev matbuot va ommaviy axborot vositalari xodimlarini tabrikladi
“Jurnalist ahlining mashaqqatli mehnatini muqaddas sarhadlarimizda sergak turgan Vatan posbonlarining jasoratiga qiyoslasak, o‘ylaymanki, o‘rinli bo‘ladi”, deyiladi tabrikda.
O‘zbekistonda ortiqcha undirilgan soliqlarni kelgusi to‘lovlar hisobiga kiritish muddati qisqartirildi
Soliq kodeksiga ayrim qo‘shimcha va o‘zgartirishlar kiritildi.
“Mahalla servis” kompaniyalari xodimlarining daromadi endi soliqqa tortilmaydi
Bunday kompaniyalarga yana bir necha soliq imtiyozlari berildi.
“Manchester Siti” O‘zbekistondan yana bir futbolchi sotib olishi mumkin
Milliy Olimpiya Qo‘mitasi raisining birinchi o‘rinbosari Otabek Umarov ma’lum qilishicha, “shaharliklar”ga egalik qiluvchi “City Football Group” holding o‘zining 13-jamoasini O‘zbekistondan xarid qiladi. Shuningdek yana bir o‘zbek futbolchisi Manchesterga ko‘chib o‘tadi.
Toshkentda daraxtlarning raqamli reyestrini yaratish boshlandi
Unda daraxtlarning to‘liq hisobi yuritiladi, noqonuniy kesilishining oldini olishga yordam beradi.
O‘zbekiston Yevrosiyo iqtisodiy ittifoqi doirasida joriy etilgan “Chegara bilmaydigan ish” integratsiyalashgan platformasiga qo‘shilishi mumkin
Shavkat Mirziyoyev oliy darajadagi Yevrosiyo iqtisodiy kengashining yig‘ilishida nutq so‘zladi.
“O‘zbekistonning eng muhim yutuqlaridan biri — erkin va professional matbuotdir” — Saida Mirziyoyeva
Prezident administratsiyasi rahbari matbuot va ommaviy axborot vositalari xodimlarini tabrikladi.
Shavkat Mirziyoyev YOII sammitida ishtirok etdi
O‘zbekiston YOII texnik jihatdan tartibga solishning raqamli tizimi va raqamli transport yo‘laklari ekotizimida qatnashishdan manfaatdor ekani qayd etildi.
Saida Mirziyoyeva Fitch O‘zbekiston kredit reytingini “BB-” dan “BB” darajasiga oshirgani haqida: “Bu — kelgusida yanada ko‘proq xorijiy sarmoyalarni jalb etishga xizmat qiladi”
Prezident administratsiyasi rahbari bu xalqaro hamkorlar uchun muhim signal ekanini bildirdi.
O‘zbekistonda qamoqqa olinganlarni qiynoqqa solish hollarining oldini oluvchi qonun imzolandi
Ularning tanasida jarohat, shikastlanish va yaralar aniqlanganda prokurorga xabar beriladi.
Toshkentda onlayn narkodo‘konning 5 nafar aʼzosi qo‘lga olindi (video)
Ular tomonidan Andijonda 53 ta xufiya joyga joylashtirilgan giyohvandlik vositasi tegishli tartibda rasmiylashtirildi.
Toshkent viloyatida 1,9 mlrd so‘mlik tabiiy gazdan noqonuniy foydalangan tadbirkorlar aniqlandi
Aniqlangan holatlar bo‘yicha hujjatlar rasmiylashtirilib, huquqni muhofaza qiluvchi idora vakillariga topshirilgan.
Sherzod Asadov “Oltin qalam” g‘oliblarini taqdirlash marosimida prezidentning OAV xodimlariga yo‘llagan tabrigini o‘qib eshittirdi
Senati raisi Tanzila Norboyeva yuksak unvonlarga loyiq ko‘rilgan jurnalist va blogerlarga mukofotlarni topshirdi.
Izoh (0)