Bolalar orasida Koksaki virusi avj olayotgani haqidagi xabarlar rad etilishi, Toshkent xalqaro aeroportida kutib oluvchilar endi terminal ichiga kirishi mumkin bo‘lishi, Yangiyo‘lda yuk mashina haydovchisi velosipeddagi 9 yoshli bolani bosib ketishi — “Daryo” nashri 11-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Osiyo infratuzilmaviy investitsiyalar banki O‘zbekiston avtomobil yo‘llarini yaxshilashga yordam beradi
Mahalliy ahamiyatga ega 516,1 kilometr avtomobil yo‘llarini to‘la ta’mirlashga kelishildi.
Ekologiya vaziriga ekoloyihalardagi kechikishlar yuzasidan parlament so‘rovi yuborildi
Qattiq maishiy chiqindi poligonlarini yopish, chiqindilarni qayta ishlashni tashkil etish, “yashil subsidiyalar” ajratish loyihalari kechikayotgani bo‘yicha tushuntirish so‘raldi.
O‘zbekistonda bolalar orasida Koksaki virusi avj olayotgani haqidagi xabarlar rad etildi
Nurmat Otabekov bemorga o‘zboshimchalik bilan bakteriya va virusga qarshi preparatlarni berish kerak emasligidan ogohlantirdi.
Shavkat Mirziyoyev YTTB prezidenti bilan sheriklik masalalarini muhokama qildi
Davlat rahbari hamkorlik natijadorligini oshirish muhimligini aytib, uning asosiy yo‘nalishlarini ko‘rsatib o‘tdi.
O‘zbekistonda suvdan foydalanish qoidalari buzilgani haqida foto va video yuborganlar rag‘batlantiriladi
Ularga huquqbuzardan undirilgan jarima hisobidan BHMning 25 foizi miqdorida pul mukofoti beriladi.
Toshkentda SpaceX, Meta, Boeing kabi kompaniya vakillari ishtirokida xorijiy investorlar kengashi yalpi majlisi o‘tkazildi
Xorijiy hamkorlarning 40 dan ortiq tashabbuslari saralab olindi.
Toshkent xalqaro aeroportida kutib oluvchilar endi terminal ichiga kirishi mumkin
Zal oldiga taksida ham, shaxsiy avtomobillarda va avtobuslarda ham kirish imkoni yaratildi.
Milanda O‘zbekistonning sanoat va eksport salohiyati ko‘rgazmasi o‘tkaziladi
Shavkat Mirziyoyev Lombardiya viloyati gubernatori, shuningdek, BAA energetika va infratuzilma vaziri va ACWA Power kompaniyasi boshqaruvi raisini qabul qildi.
“O‘zbekiston yuborgan nota diqqat bilan o‘rganilmoqda” — Mariya Zaxarova
Nota Moskvadagi reydda migrantlarga nisbatan qo‘pol munosabatda bo‘lingani yuzasidan yuborilgandi.
“Menimcha, O‘zbekistonda avtomobil monopoliyasi paydo bo‘lish ehtimoli endi yo‘q” — BYD kompaniyasi mas’uli
“Chunki mamlakatda ochiqlik va liberallashuvni ko‘ryapmiz”, deydi kompaniyaning Markaziy Osiyo bo‘yicha boshqaruv direktori Ivan Sao.
Buxoroda erkak echkiemar og‘ziga nos solib, shafqatsiz munosabatda bo‘ldi (video)
Bosh prokuratura holat yuzasidan ma’lumot berdi.
Xitoy kompaniyasi O‘zbekistonda bojxona yuklarini skanerlash texnologiyalarini joriy qilishi mumkin
Shavkat Mirziyoyev Xitoy kompaniyalari rahbarlari, Ummon savdo, sanoat va investitsiyalarga ko‘maklashish vaziri va Finlyandiya tashqi ishlar vazirini qabul qildi.
Yangiyo‘lda yuk mashina haydovchisi velosipeddagi 9 yoshli bolani bosib ketdi (video)
Velosipedchi turli ko‘rinishdagi tan jarohatlari bilan shifoxonaga yotqizilgan.
O‘zbekistonda 1-sinfga qabul qachondan boshlanishi ma’lum bo‘ldi
Maktabgacha va maktab ta’limi vazirligi qabul jarayoni haqida tushuntirish berdi.
Saida Mirziyoyeva IV Toshkent xalqaro investitsiya forumi doirasidagi sessiyada ishtirok etdi
Prezident yordamchisi Qoraqalpog‘istonda o‘tgan bir yil mobaynida ko‘plab muzokaralar olib borilgani, aniq dasturlar ishga tushirilganini ta’kidladi.
Shavkat Mirziyoyev Vladimir Putinni Rossiya kuni bilan tabrikladi
Ikki davlat yetakchilari telefon orqali muloqot qildi.
Shavkat Mirziyoyev Afg‘oniston sanoat va savdo vazirini qabul qildi. Nimalar muhokama qilindi?
Transafg‘on temir yo‘li va “Surxon – Puli-Xumri” elektr uzatish liniyasini qurish kabi yirik mintaqaviy infratuzilma loyihalari qo‘llab-quvvatlandi.
O‘zbekistonga to‘rt oyda qancha avtomobil import qilingani ochiqlandi
Eng ko‘p yengil avtomobil import qilgan davlatlar reytingida Xitoy peshqadam.
O‘zbekistonda Yaponiya xalqaro universiteti ochiladi
Shavkat Mirziyoyev Yaponiya xalqaro hamkorlik banki boshqaruvchisini qabul qildi.
Xitoylik fuqarolar yoki kompaniyalarga yer ajratilishi haqidagi bayonotlar asossiz — Qishloq xo‘jaligi vazirligi
Vazirlik Urgutda mansabdor shaxs tomonidan ekishni xohlamaganlarning yeri xitoyliklarga berilishi aytilgan videolarga izoh berdi.
Izoh (0)