Ijtimoiy tarmoqlarda yigit hovuzdagi baliqni qo‘li bilan ushlab olgani aks etgan videolar tarqaldi. Holat yuzasidan Toshkent shahar IIBB izoh berdi.
Maʼlum qilinishicha, 23-iyun kuni taxminan soat 22:00 larda Mirzo Ulug‘bek tumanida joylashgan istirohat bog‘larining birida, 22 yoshli M.Sh. hovuzdagi baliqni suvdan chiqargan holda qo‘li bilan ushlab olgan. Uning bu harakatiga 25 yoshli D.A. e’tiroz bildirgan va baliqni suvga qo‘yib yuborishini so‘ragan.
Biroq M.Sh. fuqaro D.A ga uyatli so‘zlar bilan so‘kinib, jamiyatda yurish-turish qoidalarini qasddan buzgan.
Holat yuzasidan fuqaro M.Sh. ga nisbatan MJtKning 183-moddasi (mayda bezorilik) alomatlari bilan ma’muriy bayonnoma rasmiylashtirilgan.
Hujjatlar qonuniy chora ko‘rish uchun Jinoyat ishlari bo‘yicha Mirzo Ulug‘bek tuman sudiga yuborilgan.
Izoh (0)