Ismaloq nafaqat o‘zining noyob foydali xususiyatlari bilan, balki har qanday taomni to‘ldirishi mumkin bo‘lgan ta’mi bilan ham mashhur. Sho‘rvalar, salatlar, makaronli taomlar — ismaloq asosiy mahsulot sifatida ishlatiladigan taomlar ro‘yxati cheksiz. Ushbu mahsulot juda ko‘p foydali moddalarni o‘z ichiga oladi va uni har qanday retseptga qo‘shsa bo‘ladi. Marie Claire nashri ismaloqdan tayyorlanadigan taomlar retseptini taqdim etdi.
Ismaloqdan tayyorlanadigan sho‘rva retsepti
Kerakli masalliqlar:
- ismaloq — 300 gr
- qizil piyoz — 30 g
- sarimsoq — 5 g
- sabzavotli sho‘rva — 100 gr
- qaymoq — 100 ml
- zaytun moyi — 20 gr
- brokkoli — 30 g
- kartoshka — 30 g
- tuz, qalampir — ta’bga ko‘ra
- rikotta pishlog‘i — 50 g
- qovurilgan qizil go‘shtli baliq — 30 g
Piyoz va sarimsoqni zaytun moyida tovada qizarguncha qovuring. Keyin sabzavotli sho‘rvani mahsulotlarning ustiga soling. Unga to‘g‘ralgan kartoshka, brokkoli qo‘shib pishiring. Sabzavotlar qaynab pishgandan so‘ng, unga ismaloq qo‘shing va past olovda 10 daqiqa davomida pishiring. Sho‘rvaga murch va qalampir qo‘shing. Tayyor bo‘lgan sho‘rvani blender bilan aralashtiring. Qaymoqni soling va yana 3-4 daqiqa pishirib oling. Sho‘rvani dasturxonga tortishdan oldin rikkota pishlog‘i va qovurilgan qizil go‘shtli baliq bilan bezating.
Ismaloqdan qo‘shib tayyorlanadigan makaronli taom retsepti
Kerakli masalliqlar:
- makaron — 200 gr
- ismaloq — bir bog‘
- sarimsoq — 2 donacha
- zaytun yog‘i — 2 osh qoshiq
- qattiq pishloq — 70 g
- murch — ta’bga ko‘ra
- tuz — ta’bga ko‘ra
Makaronni tuz qo‘shilgan suvda pishgunicha qaynatib oling. Makaron pishirilayotganda, ismaloqni yuving va to‘g‘rab oling. Tozalangan sarimsoq donachalarini oldindan qizdirilgan idishda zaytun yog‘i bilan qovurib oling. Sarimsoq mazali ta’m berishi uchun bir daqiqa qovuring va olib tashlang. Ismaloqni tovaga soling va taxminan 3-4 daqiqa pishirib oling. Keyinroq makaronning suvini to‘kib tashlang va uni ismaloq, tuz va qalampir bilan aralashtiring. Taomni dasturxonga tortishdan oldin likopchalarga solib ustiga maydalangan pishloq seping. Agar xohlasangiz yangi uzilgan rayhonning bir nechta bargini taomga solishingiz mumkin.
Qaymoq va ismaloqdan tayyorlanadigan taom retsepti
Kerakli masalliqlar:
- ismaloq — 500 gr
- sariyog‘ — 30 g
- 20 foiz yog‘li qaymoq — 150 ml
- muskat yong‘og‘i — ta’bga ko‘ra
- qalapmir — ta’bga ko‘ra
- tuz — ta’bga ko‘ra
Ismaloqni yuving va yumshoq bo‘lishi uchun issiq suvga soling. Keyin uni idishga soling, quriting va mayda bo‘laklarga bo‘ling. Qizdirilgan idishda sariyog‘ni eritib, ismaloq va qaymoqni solib taxminnan 3 daqiqa davomida qaynatib oling. Ta’bga ko‘ra tuz, qalampir, muskat yong‘og‘i qo‘shing, vaqti-vaqti bilan aralashtirib, yana bir daqiqa qaynatib oling. Yegulikni go‘sht va baliq bilan yoki alohida taom sifatida iste’mol qilishingiz mumkin.
Ismaloq va lavlagili salat
Kerakli masalliqlar:
- ismaloq — 300 gr
- lavlagi — 350 g
- pishloq — 150 g
- sarimsoq — 1 donacha
- zaytun yog‘i — 3 osh qoshiq
- qalampir, tuz — ta’bga ko‘ra
Lavlagini qaynatib oling va katta bo‘laklarga bo‘ling. So‘ngra sarimsoqni maydalang, pishloqni kub shaklida to‘g‘rab oling. Ismaloqni qo‘lingiz bilan maydalang. Mahsulotlarni salat idishida aralashtiring, zaytun yog‘i va ziravorlar qo‘shing. Agar kerak bo‘lsa ta’bga ko‘ra urug‘lar yoki maydalangan yong‘oq bilan sepilishi mumkin.
Mavzuga doir:
Izoh (0)