Tovuq go‘shtli, olmali: Olivye salatining 4 xil noodatiy retsepti

Ko‘pchilik Yangi yil dasturxonini olivye salatisiz tasavvur qila olmaydi. Salatni turli mahsulotlardan, o‘zingizga yoqqan uslubda tayyorlashingiz mumkin.

Tovuq go‘shti va olma qo‘shib tayyorlanadigan olivye retsepti

Kerakli masalliqlar:

• tovuq go‘shti — 300 g
• sabzi — 1 dona
• tuxum — 4 dona
• tuzlangan bodring — 2 dona
• bodring— 2 dona
• konservalangan no‘xat — 1 dona
• nordon olma — 1 dona
• limon— 1 dona
• smetana — 100 g
• mayonez - 70 g
• shakar — 1 qoshiq
• tuz — ta’bga ko‘ra

1. Tuzlangan va yangi uzilgan bodringni maydalab oling. Konservalangan yashil no‘xatdagi suyuqlikni to‘kib tashlang.
2. Go‘sht, sabzi, tuxumni qaynatib oling va kub shaklida kesing. Olmaning po‘stlog‘ini olib tashlang va uni ham kub shaklida kesib oling.
3. Yarimta limon sharbatini shakar, mayonez va smetana bilan aralashtiring. Salatga qo‘shing va aralashtiring.
4. Salatni dasturxonga tortishdan oldin ko‘katlar bilan bezating.

Kerakli masalliqlar:

• kartoshka — 4 ta 
• tozalangan krevetka — 300 g
• tuxum — 4 dona
• tuzlangan bodring — 1 dona
• bodring — 1 dona
• ko‘k piyoz — bir bog‘
• mayonez — 120 g
• tuz — ta’bga ko‘ra

1. Krevetkani qaynating va sovutib oling.
2. Qaynatilgan kartoshka, tuxum, bodring va ko‘k piyozni to‘g‘rab oling.
3. Barcha mahsulotlarni idishga soling, ta’bga ko‘ra qayla va tuz qo‘shing.
4. Agar sizga yoqsa, salatga bir qoshiq soya sousi qo‘shishingiz mumkin.
5. Salatni dasturxonga tortishdan oldin yaxshilab aralashtiring.

Kerakli masalliqlar:

• kartoshka — 5 dona
• qizil baliq go‘shti — 300 g
• bodring — 2 dona
• muzlatilgan yashil no‘xat — 200 g
• sariyog‘ — 30 g
• mayonez — 120 g

1. Kartoshkani qaynating, sovutib oling va tozalang. Kartoshka, qizil baliq go‘shti va bodringni kub shaklida kesib oling.
2. Qizdirilgan idishda sariyog‘ni eritib, no‘xatni qovuring, salqin joyga qo‘ying.
3. Barcha mahsulotlarni idishga soling va mayonez bilan aralashtiring.
4. Salatni dasturxonga tortishdan oldin ko‘katlar bilan bezating.

Kerakli masalliqlar:

• kartoshka — 5 dona
• tofu — 100 g
• tuxum — 4 dona
• tuzlangan bodring — 1 dona
• bodring — 1 dona
• sabzi — 1 dona
• konservalangan no‘xat — yarim quti 
• konservalangan makkajo‘xori — yarim quti 
• piyoz — 1 ta
• mayonez — 150 g
• tuz — ta’bga ko‘ra

1. Sabzi, kartoshka va tuxumini qaynatib oling.
2. Piyozni maydalang, kartoshka, sabzi, tuxum, tofuni ham to‘g‘rang.
3. No‘xat va makkajo‘xori idishidagi suyuqlikni to‘kib tashlang.
4. Barcha mahsulotlarni idishga doling, mayonez va tuz bilan aralashtiring. Qo‘shimcha ravishda, salatga murch qo‘shishingiz mumkin.

• Yasmiq qo‘shib turkcha qovoqli sho‘rva tayyorlaymiz.
• Tanadagi yog‘larni eritishga yordam beradigan 4 xil mazali sho‘rva retsepti.
• Mol go‘shti va kartoshkadan mazali taom tayyorlaymiz.
• Kolbasa, pishloq va pomidor qo‘shib pechda pishiriladigan mazali lavash retsepti.