Avstraliyaning Adelaida botanika bog‘ida Titum Arum nomli dunyodagi eng yoqimsiz iforli gul ochildi. Bu haqda The Guardian xabar berdi.
Gulning iforiga qaramay minglab sayyohlar uni ko‘rish uchun navbatda turgan. Titum Arum urug‘idan 10 yil davomida o‘sib, gullaganida o‘zidan yoqimsiz ifor chiqaradi. Shundan so‘ng u har uch-besh yilda bir marta gullaydi. Hid gulni changlatish uchun chivinlarni jalb qilishga mo‘ljallangan.
Botanika bog‘i xodimlarining so‘zlariga ko‘ra, gul 8-yanvar, yakshanba kuni mahalliy vaqt bilan soat 14:00 da ochila boshlagan va soat 17:00 ga kelib to‘liq ochilgan. Bog‘ xodimi Mett Koulter gullashning dastlabki 24 soatida gul hidi cho‘qqiga chiqishi, 48 soat ichida esa yo‘qolishini aytdi.
“Gul ochilishining birinchi kunida uni ko’rish uchun bir yarim mingdan ortiq odam keldi, shu uchun bog‘ o‘z ishini kechgacha davom ettirdi. Tabiat mo‘jizasini ko‘rish uchun tashrif buyuruvchilar soatlab navbatda turdi, ulardan o‘zlari bilan suv va quyoshdan himoyalovchi vositalar olib kelish so‘raldi. Bu aslida juda go‘zal o‘simlik. U faqat ikki kun o‘zidan yoqimsiz hid chiqaradi. Bu asosan 24 dan 48 soatgacha davom etadi”, — dedi Koulter.
U o‘simlikning hidi uzoqdan ham sezilishini aytib, gul iforini o‘lik kalamush yoki chirigan pishloq hidiga o‘xshatish mumkinligini aytdi.
“Ko‘pchilik undan o‘lik baliq hidi keladi deb o‘ylaydi, u haqiqatan ham murakkab iforga ega. Bu juda qiziq”, — deya qo‘shimcha qildi botanika xodimi va bu gulning dunyo bo‘ylab mingta namunasi borligini aytdi.
Mavzuga doir: Qirg‘izistonda lolaning fanga noma’lum turi aniqlandi (foto)
Izoh (0)