“Muhtasham yuz yil”dagi Rustam posho roli O‘zan Guvenga dunyo miqyosida shuhrat keltirdi. Muxlislar turdizi yulduzini oldinda yorqin va hayratlanarli karyera kutayotganiga amin edilar. Ammo besh yil oldin aktyor isteʼfoga chiqish arafasida edi.
2020-yil iyun oyida O‘zananing sevgilisi Deniz Bulutso‘z aktyorni oiladagi zo‘ravonlikda ayblab unga qarshi sudga murojaat qilgan. Guven sevgilisini kaltaklaganini rad etdi va uning o‘zi unga musht ko‘tarib tashlanganini taʼkidladi. Sud besh yil davomida barcha ish materiallari va guvohlarning ko‘rsatmalarini sinchkovlik bilan o‘rganib chiqdi. Bulutso‘zning o‘zi hatto psixologik ekspertizadan o‘tishga majbur bo‘ldi, chunki u avvalroq basketbolchi Janer Erdinazni zo‘ravonlikda ayblagan edi, ammo keyinchalik ayblovlar soxta ekanligi maʼlum bo‘ldi.
O‘zan Guvenning o‘zi ham qarshi daʼvo qo‘zg‘atgan. U Denizni o‘ziga hujum qilishda va yolg‘on guvohlik berishda aybdor deb topishni talab qildi, shuningdek, undan katta maʼnaviy tovon undirmoqchi edi. Biroq sud yakuniy hukm chiqardi. Turk aktyori aybdor deb topildi, uning Bulutso‘zga nisbatan daʼvolari rad etildi. O‘zan Guven ikki yil-u uch oyga ozodlikdan mahrum etildi. Yaqin kunlarda turdizi yulduzi qamoqxonaga jo‘natiladi.
Deniz Bulutso‘z so‘nggi sud majlisida ishtirok etdi. Hukm eʼlon qilingach, u o‘z quvonchini yashira olmadi va O‘zan qamoqxonaga boradigan kunni zo‘r ishtiyoq bilan kutayotganini aytdi. Keyinroq yulduz o‘zining ijtimoiy tarmoqdagi sahifasida katta xabar eʼlon qilib, obunachilariga qo‘llab-quvvatlagani uchun minnatdorchilik bildirgan va turk ayollariga nisbatan sodir etilgan har qanday jinoyat jazosiz qolmasligiga umid bildirgan.
Turk aktyorining o‘zi qamoq jazosi haqida hech qanday izoh bermagan. Ayrim turk blogerlari O‘zan Guvenning advokatlari hukm ustidan shikoyat qilish uchun hujjatlar tayyorlayotganini taʼkidlashmoqda.
Izoh (0)