“Muhtasham yuz yil” seriali muxlislari orasida shunday tasavvur bor: sulton harami bu dabdabaga burkangan, doimiy bayramlar o‘tkaziladigan maskan, unda ayollar hashamatli liboslarda, shirinliklarga to‘la dasturxon atrofida suhbat qurib o‘tiradi. Ammo tarixda vaziyat mutlaqo boshqacha bo‘lgan: haqiqiy haram oshxonasi ko‘proq Usmonlilar uslubidagi armiyaning ratsioniga o‘xshagan. Serialda Xurramning lukum va boshqa noz-ne’matlar bilan siylangan kadrlar haqiqatdan yiroq edi.
-MyqLcQDU.avif)
Haramda kanizaklar nimalar iste’mol qilishgan?
Asosiy ovqat miqdori juda oz bo‘lgan va aniq o‘lchovda berilgan. Tarixchilarning yozishicha, bir mahal ovqat 250 grammdan oshmasligi shart bo‘lgan. Kanizaklar kuniga bor-yo‘g‘i ikki mahal taom yegan, ularga kundalik yegulikdan boshqa hech narsa berilmagan. Faqat ochlikdan bosh aylanishining oldini olish uchun ayol-qizlarga bir-ikki ho‘plam quyuq sharbat ichishga ruxsat berilgan.
Yo‘q, Usmonlilar xasis bo‘lmagan, shunchaki, ular yuzlab ayollarni to‘rt devor o‘rtasida harakatsiz saqlab, shirinlik bilan to‘ydirish semizlikka olib kelishini yaxshi tushungan. Albatta, biroz to‘ladan kelgan ayollar ham go‘zal sanalgan, ammo bu ham me’yor doirasida bo‘lishi lozim edi.
Barcha ayollar uchun beriladigan taomlar bir xil edimi?
Yo‘q, haramda ham iyerarxiyaga amal qilingan. Ovqatlanish tartibi ayolning maqomiga qarab belgilangani sababli, kanizaklar oddiy taomlar bilan kifoyalangan. Sulton va uning yaqinlari esa har qanday lazzatli taomlardan bahramand bo‘lgan.
Serialda doimiy ko‘rinadigan holva, lukum va boshqa shirinliklar esa ko‘pchilik uchun faqatgina bayram kunlarida dasturxonga tortilgan. Lekin sultonning mehriga sazovor bo‘lgan ayollar uchun ikki-uch kunga alohida menyu tuzilgan, chunki to‘yib taomlanish homilador bo‘lish imkoniyatini oshirishiga ishonilgan. Homilador bo‘lgan kanizaklarning ratsioniga ham ikki-uchta qo‘shimcha taom kiritilgan.
Izoh (0)