Tomoshabinlarga “Muhtasham yuz yil. Ko‘sem imperiyasi” seriali va “Chuqur” nomli jinoyat dramasidagi rollari bilan tanilgan aktyor Erkan Kolchak Kestendil Moskvada bo‘lib o‘tgan futbol o‘yini paytida jarohatlandi. Bu haqda mk.ru sayti xabar berdi.
12-iyun kuni poytaxtdagi “Oktyabr” stadionida turli ijodiy kasb vakillari o‘rtasida xalqaro sanʼat-futbol musobaqasi o‘tkazildi. Turkiya terma jamoasi Gruziya jamoasi bilan bellashayotgan paytda Kolchak jarohat oldi.
mk.ru xabar berishicha, aktyor oyog‘iga to‘p kelib urilishi natijasida yiqilib tushgan. Shifokorlar darhol unga birinchi tibbiy yordam ko‘rsatishgan, shundan so‘ng u yana maydon tomon yo‘l olgan.
Erkan Kolchakning ahvoli haqida batafsil maʼlumot berilmagan. kp.ru saytining xabariga ko‘ra, yulduz o‘yindan so‘ng tibbiy ko‘rikdan o‘tishi kerak bo‘ladi.
Izoh (0)