Kataloniyaning “Barselona” klubi rahbariyati jamoaning asosiy futbolchilari — yarim himoyachi Frenki de Yong hamda himoyachilar Jyul Kunde va Erik Garsiya bilan shartnomalarni uzaytirish bo‘yicha muzokaralarni boshladi. Bu haqda Ispaniyaning Mundo Deportivo nashri xabar berdi.
Manbaga ko‘ra, ushbu futbolchilarning shartnomasi 2026-yilgacha amal qiladi. Shu sababli “ko‘k-anorranglilar” ularni tarkibda uzoq muddat saqlab qolish maqsadida yangi bitim taklif qilmoqchi.
Kataloniyaliklar fransiyalik himoyachi Jyul Kunde klub bilan yangi shartnoma bo‘yicha kelishuvga erishgan. Endi navbat niderlandiyalik yarim himoyachi Frenki de Yongga kelgan. Klub rahbariyati u bilan shartnomani 2029-yilgacha uzaytirishni rejalashtirmoqda.
Erik Garsiya masalasi esa hozircha ochiq qolmoqda. Agar bosh murabbiy Hansi Flik boshchiligidagi jamoa yozgi transfer oynasida markaziy himoyachilardan birini sotishga muvaffaq bo‘lsa, Garsiyaning klubda qolish ehtimoli oshadi. Aksi bo‘lsa, Erik 2026-yildan jamoani tark etishi mumkin.
Ma’lumot uchun, Ispaniya La Ligasining yangi mavsumi 15-avgust kuni start oladi. “Barselona” esa musobaqadagi ilk o‘yinini 16-avgust kuni “Malyorka”ga qarshi o‘tkazadi.
Izoh (0)