Mark Sukerberg AQSHning Vashington (Kolumbiya okrugi) shahridagi nufuzli hududlardan birida o‘ziga hashamatli uy sotib oldi. Bu haqda New York Post nashri xabar berdi.
Maydoni 15 400 kvadrat metr bo‘lgan ushbu uy arxitektor Robert Gurni tomonidan loyihalashtirilgan bo‘lib, unda an’anaviy va zamonaviy uslublar uyg‘unlashgan. Qizil g‘ishtdan qurilgan uchta binoni shisha yo‘laklar bog‘lab turadi. Bir akr maydonga ega hovlida basketbol maydonchasi, basseyn, mevali bog‘ va barbekyu zonasi mavjud.
Xonadon landshaft dizayni bilan shug‘ullangan Campion Hruby Landscape Architects kompaniyasining vakili Kevin Kempionning aytishicha, mazkur xonadon yopiq va maxfiy tuzilishi tufayli tinchlik va aholidan uzoqlikni saqlashga yordam beradi. Uyning qiymati esa 23 million dollar deb baholanmoqda.
Qayd etish lozimki, mazkur bitim shaharda amalga oshirilgan eng qimmatbaho uchta shartnomalardan biri bo‘ldi. Uy rasman sotilgach, uning surati “Google Maps”dan o‘chirib tashlangan.
Izoh (0)