Futbol bo‘yicha O‘zbekiston Kubogining 3-turidan o‘rin olgan uchrashuvlar 13-may, seshanba kuni o‘tkazildi.
Jumladan, Toshkentda “Paxtakor” klubi “Nasaf”ni qabul qildi. Uchrashuv gollarga boy bo‘ldi.
O‘yinning 3-daqiqasida Ibrohim Ibragimov penaltidan hisobni ochdi. Oradan 11 daqiqa o‘tib Igor Sergeyev hisobni ikkitaga oshirdi. Shundan so‘ng qarshiliklar faollikni oshirdi.
28-daqiqada Stefan Cholovich hisobni qisqartirgan bo‘lsa, Akmal Mozgovoy 32-daqiqada hisobni tenglashtirdi. “Sherlar” hisob tenglashgach yana oldinga o‘tdi. 36-daqiqada Dilshod Abdullayev jamoasini yana hisobda oldinga olib chiqdi.
Ikkinchi bo‘lim esa o‘yin yana-da “yondi”. Jumladan, 54-daqiqada Husayn Norchayv hisobni tenglashtirdi. Oradan 7 daqiqa o‘tib Igor Sergeyev dublga erishib, hisobni yana oshirdi.
69-daqiqaga kelib “Nasaf” aʼzosi Alibek Davronov qizil kartochka olib maydondan chetlatildi. Qarshiliklar bir kishi kam bo‘lib qolganidan foydalangan “Paxtakor” yana-da faollikni oshirdi. 81-daqiqaga kelib Brayan Riaskos hisobni 5:3 ko‘rinishiga keltirdi. 85-daqiqada esa Sergeyev xet-trik qayd etib, o‘yinga yakuniy nuqtani qo‘yib berdi.
Shunday qilib, “sherlar” “H” guruhida 9 ochko bilan 1-o‘rinni egalladi. “Nasaf” esa 3 ochko bilan 3-pog‘onada qolib ketdi.
Izoh (0)