Toshkent va Buxoro o‘rtasida qo‘shimcha “Afrosiyob” qatnovi yo‘lga qo‘yiladi, deb xabar berdi “Temiryo‘lekspress” AJ matbuot xizmati.
Maʼlum qilinishicha, qatnovlar 21, 22, 28, 29, 30-aprel va 1-may kunlari yo‘lga qo‘yiladi. Qatnovlar quyidagi jadval asosida harakatlanadi:
778-sonli Toshkent — Buxoro yo‘nalishi
- Toshkent 06:10 — Buxoro 10:14
777-sonli Buxoro — Toshkent yo‘nalishi
- Buxoro 17:55 — Toshkent 22:03
775/776-sonli Samarqand—Toshkent—Samarqand “Afrosiyob” elektropoyezdi 24, 25, 26, 27-aprel kunlari qo‘shimcha qatnovi yo‘lga qo‘yilishi haqida xabar berilgandi.
15-iyundan boshlab “Afrosiyob” tezyurar poyezdlari harakati jadvaliga o‘zgartirishlar kiritiladi.
Yuqori tezlikda harakatlanuvchi “Afrosiyob” elektropoyezdlarning VIP, biznes toifadagi chipta narxlari 2025-yilning 1-fevralidan 25 foizga, ekonom toifadagi chipta narxlari 20 foizga hamda tezyurar yo‘lovchi poyezdlar “Sharq”, “Nasaf” va “O‘zbekiston” poyezdlarning chipta narxlari 30 foizga oshirildi.
Mahalliy yo‘nalishdagi (yotoqli) yo‘lovchi poyezdlar chipta narxining tarif qismi esa 10,5 foizga oshirildi.
Izoh (0)