“O‘ztemiryo‘lyo‘lovchi” Navro‘z bayrami munosabati bilan Toshkentdan Qarshi va Samarqand shaharlariga qo‘shimcha poyezdlar harakati yo‘lga qo‘yilishini e’lon qildi.
Yo‘lovchilarga qulaylik yaratish maqsadida 21, 22, 23, 24, 25-mart kunlari 775/776-sonli Samarqand—Toshkent—Samarqand yo‘nalishidagi qo‘shimcha qatnov quyidagi jadval asosida harakatlanadi:
- Samarqanddan jo‘nab ketish 11:11 — Toshkentga yetib borish 13:26;
- Toshkentdan jo‘nab ketish 13:51 — Samarqandga yetib borish 16:05.
20, 21-mart kunlari 762/761-sonli Toshkent—Qarshi—Toshkent yo‘nalishidagi “Afrosiyob” poyezdlari qo‘shimcha harakati quyidagi vaqtlarda amalga oshiriladi:
- Toshkentdan jo‘nab ketish 06:59 — Qarshiga yetib borish 10:33;
- Qarshidan jo‘nab ketish 16:44 — Toshkentga yetib borish 20:20.
Qo‘shimcha maʼlumotni Toshkent shahridagi 1005 qisqa telefon raqami, joylardagi temiryo‘l chiptaxonalari hamda maʼlumotlar byurosidan bilib olish mumkin.
Avvalroq Xalqaro xotin-qizlar kuni munosabati bilan yo‘lovchilarga qulaylik yaratish maqsadida 8, 9, 10-mart kunlari Samarqand—Toshkent—Samarqand yo‘nalishida qo‘shimcha poyezd harakati yo‘lga qo‘yilgandi.
Izoh (0)