Ijtimoiy tarmoqlarda 7-dekabrdan Xivaga “Afrosiyob” poyezdlari qatnay boshlashi haqida xabarlar tarqaldi. “O‘zbekiston temir yo‘llari” buni rad etdi.
“Maʼlum qilamizki, bu maʼlumotlar haqiqatga to‘g‘ri kelmaydi”, deyiladi raddiyada.
Ijtimoiy tarmoqlarda tezyurar poyezd Xivaga kelgani aks etgan video tarqalgandi. “O‘zbekiston temir yo‘llari”ning izoh berishicha, Buxoro—Urganch—Xiva temiryo‘l uchastkasini elektrlashtirish ishlarini yakunlash doirasida bitta “Afrosiyob” poyezdi sinovdan o‘tkazildi.
Qayd etilishicha, ushbu bosqich yangi marshrutni sinovdan o‘tkazish va infratuzilmaning to‘liq foydalanishga tayyorligini tekshirish dasturining bir qismidir.
Izoh (0)